తిప్పతీగను వల్ల లివర్ సమస్యలు వస్తాయా..?

ఎన్నో ఔషధ గుణాలతో పాటు పోషక విలువలు సమృద్ధిగా ఉన్న తిప్పతీగను ప్రకృతి మనకు అందించిన గొప్ప వరంగా భావించవచ్చు.భారతీయ ఆయుర్వేద వైద్యంలో తిప్పతీగను ఉపయోగించి ఎన్నో రకాల మొండి వ్యాధులను నయం చేసే అద్భుత పరిష్కారం చూపబడింది. ఎన్నో ఆరోగ్య ప్రయోజనాలు ఉన్న తిప్పతీగను ప్రస్తుతం ఆయుర్వేద షాపుల్లో క్యాప్సిల్స్, పౌడర్ రూపంలో కూడా లభిస్తోంది.

ఎన్నో ఔషధ గుణాలు ఉన్న తిప్పతీగ కషాయం ప్రతిరోజు సేవించడం వల్ల ముఖ్యంగా టైప్ 1 టైప్ 2 డయాబెటిస్ అదుపులో ఉంటుంది. అలాగే తిప్పతీగలో యాంటీఆక్సిడెంట్స్ పుష్కలంగా ఉంటాయి. ఇవి ఫ్రీ రాడికల్స్‌తో పోరాడి శరీరంలోని మలినాలను తొలగించి క్యాన్సర్ కారకాలను తొలగించి అనేక వ్యాధుల నుంచి మనల్ని రక్షిస్తుంది. సీజనల్ వ్యాధులను సమర్ధవంతంగా ఎదుర్కోవడానికి ఇది చక్కటి పరిష్కార మార్గం. ఆర్థరైటిస్‌తో బాధపడేవారు తిప్పతీగ పొడిని కాస్త వేడి పాలలో కలుపుకుని తాగితే ఆర్థరైటిస్ సమస్యలకు చెక్ పెట్టవచ్చు.

తాజాగా ఓ అధ్యయనం ప్రకారం తిప్పతీగను ఉపయోగించడం వల్ల లివర్ సమస్యలు వస్తాయని వెల్లడించింది.ఈ విషయంపై స్పందించిన కొందరు వైద్యులు తిప్పతీగను కొన్ని వందల సంవత్సరాలుగా ఆయుర్వేదంలో ఉపయోగిస్తున్నారు.దీని వల్ల మనకు ఎటువంటి అనారోగ్య సమస్యలు తలెత్తే అవకాశమే లేదని స్పష్టం చేస్తున్నారు. కనుక ఈ విధమైనటువంటి అపోహలను నమ్మకూడదని ఈ సందర్భంగా నిపుణులు తెలిపారు. అయితే తిప్పతీగను మోతాదుకు మించి తీసుకోవడం వల్ల స్వల్ప అనారోగ్యానికి కారణమయ్యే అవకాశం ఉంటుందని కొందరు సూచించడం జరిగింది.