Nikhil: హ్యాపీడేస్ సినిమా ద్వారా హీరోగా తెలుగు ప్రేక్షకులకు పరిచయమయ్యారు నటుడు నిఖిల్ సిద్ధార్థ. ఇలా ఈ సినిమాలో అద్భుతమైన నటనతో ప్రేక్షకులను మెప్పించినటువంటి నిఖిల్ అనంతరం వరుస సినిమా అవకాశాలను అందుకుంటూ ఇండస్ట్రీలో హీరోగా బిజీ అయ్యారు. ఇక కార్తికేయ 2 సినిమా ద్వారా పాన్ ఇండియా హీరోగా మరింత ఫ్యాన్ ఫాలోయింగ్ సొంతం చేసుకున్నారు.
ఇలా హీరోగా కొనసాగుతూ వృత్తిపరమైనటువంటి జీవితంలో ఎంతో బిజీగా ఉన్నటువంటి నిఖిల్ వ్యక్తిగత జీవితంలో కూడా సంతోషంగా ఉన్నారు ఈయన 2020వ సంవత్సరంలో డాక్టర్ అయినటువంటి పల్లవి అనే అమ్మాయిని ప్రేమించి పెద్దల సమక్షంలో వివాహం చేసుకున్నారు.
ఇలా వైవాహిక జీవితంలో ఎంత సంతోషంగా గడుపుతున్నటువంటి ఈ జంట ఇటీవల తల్లిదండ్రులుగా మారారు. గత కొద్ది రోజుల క్రితం తన భార్య పల్లవి సీమంతపు వేడుకలకు సంబంధించిన ఫోటోలను నిఖిల్ సోషల్ మీడియాలో షేర్ చేశారు. తమ మొదటి బిడ్డకు స్వాగతం పలకడానికి మేము చాలా ఆత్రుతగా ఎదురుచూస్తున్నామని తెలిపారు.
నాన్నే పుట్టాడు..
ఇకపోతే బుధవారం పల్లవి పండంటి మగ బిడ్డకు జన్మనిచ్చారు. ఈ క్రమంలోనే నిఖిల్ ఈ విషయాన్ని సోషల్ మీడియా వేదికగా షేర్ చేస్తూ చేసినటువంటి పోస్ట్ వైరల్ గా మారింది. మళ్ళీ నాన్నే మా ఇంటిలో పుట్టాడు ఆయనని మిస్ అయ్యి ఏడాది అవుతోంది తనే మా ఇంట్లో పుట్టాడు.అంటూ నిఖిల్ చేసిన ఈ పోస్ట్ వైరల్ అవుతుంది.