ఇంట్లోంచి రూ. 300లతో పారిపోయాడు..!! టీ లు అందించాడు..ఇంకా మరెన్నో… కట్ చేస్తే సౌత్ ఇండియన్ స్టార్ హీరో…!

“కేజీఎఫ్” ఇండియన్ సినిమా ఇండస్ట్రీని ఒక ఊపు ఊపేసింది. ఏవిధమైన ఎక్స్పెక్టేషన్స్ లేకుండా సైలెంట్ గా వచ్చి భారీ విజయాన్ని అందుకుంది. “యశ్” అసలు కేజీఎఫ్ సినిమా విడుదలకు ముందు యశ్ ఒక సాధారణ హీరో.. అసలు కన్నడ లో తప్ప ఇతర భాషల్లో ఎవరికీ తెలియదు. కానీ సినిమా రిలీజ్ అతని కెరీర్ గ్రాఫ్ అమాంతం పెంచేసింది. ఒక్కసారిగా అతని కెరీర్ మారిపోయింది. సెన్సేషనల్ యాక్టర్ గా తీర్చిదిద్దింది కెజిఎఫ్ సినిమా. ఇప్పుడు ఆ సినిమా సీక్వెల్ ఎప్పుడు వస్తుందా అని దేశంలోని సినీ అభిమానులు అందరూ ఎదురుచూస్తున్నారు అంటే కెజిఎఫ్ ప్రభంజనం ఏంటో అర్ధం చేసుకోవచ్చు. ఈ ఒక్క సినిమాతో కన్నడ ఇండస్ట్రీని శాసించే స్థాయికి యశ్ ఎదిగాడు. తాజాగా ఒక ఇంటర్వ్యూలో అయన తన గతం గురించి కొన్ని ఆసక్తికరమైన విషయాలు వెల్లడించాడు.

యశ్ చిన్నప్పుడు కేవలం 300రూ లతో యాక్టర్ కావాలని ఇంట్లోంచి పారిపోయి బెంగళూర్ వచ్చేసాడట. ఆ తరువాత చాలా ఇబ్బందులను ఎదుర్కొన్నాడట. “నేను ఇంట్లోంచి పారిపోయి బెంగళూరు కు వచ్చేసాను. ఆ రోజుల్లో అసలు ఇంత పెద్ద మహానగరంలో ఎలా బ్రతకాలి అని చాలా భయపడ్డాను. కానీ ఎప్పుడు ఆత్మవిస్వాసంతోనే ఉన్నాను. వెనకడుగు వేయకుండా ముందుకు సాగాను. బెంగళూరు చేరుకోగానే నాదగ్గర కేవలం 300రూపాయిలు మాత్రమే ఉన్నాయి. ఆ సమయంలో తిరిగి ఇంటికివెళ్ళి ఇంట్లో నా మొహం చూపించలేని పరిస్థితి. అందుకే ఏది ఏమయినా యాక్టర్ గా నా అదృష్టాన్ని పరీక్షించుకోవాలని నిర్ణయించుకున్నా. నేను తిరిగి ఇంటికి వచ్చేస్తాను అని ఇంట్లో వాళ్ళు భావించారు. కానీ లక్కీగా ఒక వ్యక్తి నన్ను థియేటర్లో పనికి తీసుకున్నాడు. ఆ టైంలో ఆ పనిగురించి నాకు ఏమి తెలియదు. పార్ట్ టైం జాబ్ చేస్తూ డబ్బులు సంపాదించడం మొదలు పెట్టాను. టీ లు అందించాను. మరెన్నో రకాల పనులు చేశాను. చాలా ప్లేసెస్ తిరిగాను. స్టేజిపై నా తోలి ప్రదర్శనను గుర్తించి నాకు సినిమాలో అవకాశాన్ని ఇచ్చారు.” అంటూ తన లైఫ్ లో జరిగిన విషయాలను పంచుకున్నారు హీరో యాశ్.