Heroien Kanchan : చాలా మంది డబ్బు సంపాదించి స్థిరపడ్డాక తాము సంపాదించిన దానిలో కొంత ధార్మిక కార్యక్రమాలకోసమో దానధర్మాల కోసమో వినియోగిస్తూ ఉంటారు. కానీ ఈ అలనాటి హీరోయిన్ మాత్రం తన మొత్తం ఆస్తిని టిటిడి ట్రస్ట్ కి రాసిచ్చింది. ఆమె మరెవరో కాదు ‘అవే కళ్ళు’ సినిమాతో తెలుగులో హీరోయిన్ గా మంచి ఇమేజ్ సంపాదించుకున్న నటి కాంచన. తమిళనాడులో పుట్టిన తెలుగమ్మాయి కాంచన అసలు పేరు వసుంధర దేవి. తండ్రి అనారోగ్య సమస్యలతో బాధపడుతూ ఉండటంతో కుటుంబ బాధ్యతలను తన నెత్తిన వేసుకుని ఉద్యోగం కోసం ప్రయత్నించిన తొలినాళ్ళలో సినిమాల్లో వన్ అఫ్ ది డాన్సర్ గా చేసింది. అయితే అందులో వచ్చే డబ్బు కుటుంబ పోషణకు సరిపోదని భావించి ఎయిర్ హోస్టస్ గా చేరింది. అలా విమాన ప్రయాణంలో ఆమెను చూసిన డైరెక్టర్ శ్రీధర్ తమిళంలో ఆమెకు హీరోయిన్ గా అవకాశం ఇచ్చారు. మొదటి సినిమాతోనే మంచి పేరు తెచ్చుకున్న కాంచన ఇక వెనక్కి తిరిగి చూసుకోలేదు. ఆమెకు కాంచన అనే పేరును కూడా శ్రీధర్ గారే పెట్టారు.
మొత్తం ఆస్తి దేవదేవుడికి… నేడు ఆర్థిక ఇబ్బందులతో…
కాంచన మొదటి నుండి కుటుంబం కోసం డబ్బు సంపాదించారు. 1964 నుండి 77 వరకు చాలా వరకు తమిళంలో అగ్ర హీరోయిన్ గా వెలుగు వెలిగిన కాంచన తెలుగులోను మంచి విజయాలను చూసారు. అయితే తండ్రే మోసం చేస్తాడని ఊహించలేక పోయింది. కళ్యాణ మంటపం సినిమా నిర్మాణం సమయంలో డబ్బు కావాలని అడిగినప్పుడు కానీ తండ్రి చేసిన మోసం అర్థం కాలేదు. మొత్తం ఆమె సంపాదించిన ఆస్తిని తన పేరున కాంచన తండ్రి మార్చుకున్నారు. దీంతో లీగల్ గా తన ఆస్తి తనకు దక్కటం కోసం న్యాయ స్థానంలో పోరాడి చివరకు తన ఆస్తి సంపాదించుకుంది.
అయితే న్యాయస్థానంలో పోరాడే సమయంలోనే తిరుమల వెంకటేశ్వరుడికి కేసు గెలిస్తే ఆస్తి మొత్తం రాసిస్థానని మొక్కు మొక్కారట కాంచన. అలా కోర్ట్ లో కేసు గెలిచి ఆస్తి తనని చేతికి రాగానే ఆస్తి మొత్తం 40 కోట్లు తిరుమల దేవుడికి రాసేసింది. పెళ్లి కూడా చేసుకోకుండా ఒంటరిగా మిగిలిన కాంచన ప్రస్తుతం ఆర్థిక ఇబ్బందులను ఎదురకొంటున్నారనే వార్తలు వినిపిస్తున్నాయి. ప్రస్తుతం ఆమె హైదరాబాద్ లోనే ఉంటున్నారని, ఆర్థిక ఇబ్బందులతో ఉన్నారని తెలుస్తోంది.
ప్రపంచంలో కాఫీ ప్రియులు ఎన్నో రకాల కాఫీలను ఆస్వాదిస్తుంటారు. సాధారణ కాఫీ నుంచి ప్రత్యేక రకాల కాఫీల వరకు మార్కెట్లో…
పనసపండు అంటే చాలామందికి ఎంతో ఇష్టం. తియ్యటి రుచి, ప్రత్యేకమైన సువాసన, పోషకాలతో నిండిన ఈ పండు వేసవి కాలంలో…
జ్వరం వచ్చినప్పుడు ఆహారం విషయంలో అనేక సందేహాలు, అపోహలు ప్రజల్లో కనిపిస్తుంటాయి. ముఖ్యంగా మాంసాహార ఆహారం తీసుకోవచ్చా లేదా అనే…
అమెరికాలో స్థిరపడాలని, అక్కడే భవిష్యత్తును నిర్మించుకోవాలని కలలు కంటున్న లక్షలాది మంది భారతీయులకు కొత్త ఆందోళన మొదలైంది. ఇప్పటికే వీసా…
ఆంధ్రప్రదేశ్ ప్రభుత్వ ఉద్యోగులకు రాష్ట్ర ప్రభుత్వం కీలక శుభవార్త అందించింది. ఉద్యోగ సంఘాలు చాలా కాలంగా కోరుతున్న అంశంపై సానుకూల…
జ్యోతిష్య శాస్త్రంలో చంద్రుడికి అత్యంత కీలకమైన స్థానం ఉంది. మనస్సు, ఆలోచనలు, భావోద్వేగాలు, కుటుంబ జీవితం, ఆర్థిక స్థితి వంటి…