మూడో ప్రేమ విగ్నేష్ తో కూడా నయన్ బ్రేకప్ !! మరో కుర్ర డైరెక్టర్ తో ప్రేమ…!

హీరోయిన్ నయనతార లవ్, బ్రేకప్స్ అనేవి కొత్తేమి కాదు.. ఎప్పటినుంచో వింటున్న వార్తలే.. చిన్నపిల్లాడిని అడిగినా నయనతార లవ్ ఎఫైర్స్ గురించి టాక్ మని చెబుతాడు. ఇప్పటికే రెండు సార్లు ప్రేమించి, విడిపోయిన ఆమె ముచ్చటగా మూడోసారి కూడా అదే చేసిందనే వార్తలు వినిపిస్తున్నాయి. మొదట శింబు, ఆ తరువాత ప్రభుదేవా లతో ఘాడమైన ప్రేమలో మునిగి ఆ తరువాత వారిని దూరం పెట్టిన సంగతి తెలిసిందే. ఇప్పుడు తాజాగా అదే లిస్ట్ లోకి వచ్చేసారు దర్శకుడు విగ్నేష్ శివన్. ప్రస్తుతం గత కొద్దిరోజులుగా వీరిద్దరూ కలిసి ఉండటంలేదని, వీరిద్దరూ విడిపోయారని తమిళ మీడియా కోడై కూస్తోంది.

ఇదంతా చూస్తుంటే నయనతారకు పెళ్లి గండంతో పాటుగా ప్రేమ గండం కూడా ఉందేమో అనిపిస్తోంది. మొదట హీరో శింబుతో ప్రేమ, ఆ ప్రేమ కాస్త పెళ్లివరకు వస్తుంది, రేపోమాపో శింబుతో పెళ్లిపీటలు ఎక్కేస్తుంది అనుకునే సమయంలో హఠాత్తుగా విడిపోయింది. ఇక నయనతార రెండో ప్రేమ ప్రభుదేవాతో కూడా అచ్చం అటువంటి సీనే రిపీట్ అయింది. అంతా సాఫీగా జరుగుతుంది. త్వరలో ప్రభుదేవా మూడు ముళ్ళు వేస్తాడు అనుకున్న సమయంలో తన మనసు మార్చుకుని విడిపోయింది.

కాగా, మూడో ప్రేమ విగ్నేష్ శివన్ తో గత కొద్దీ కాలంగా చెట్టాపట్టాలేసుకుని తిరుతున్న విషయం తెలిసిందే.. వీరిద్దరూ గత మూడేళ్ళుగా డేటింగ్ చేస్తున్నారు. కానీ ఇప్పుడు విగ్నేష్ తో కూడా విడిపోయిందని తెలుస్తోంది. అంతేకాదు మరో కుర్ర దర్శకుడితో నయన్ ప్రేమలో పడిందని ప్రచారం జోరుగా సాగుతోంది. అయితే విగ్నేష్ తో అభిప్రాయ భేదాలు వచ్చాయని, ఇద్దరి మధ్య మాటమాట పెరిగి విడిపోయేవరకు దారి తీసిందని, అందుకే గత కొద్దిరోజులుగా వీరిద్దరూ కలిసి ఉండటం లేదని తమిళ మీడియాలో ప్రచారం జరుగుతోంది. ఏదేమైనా నయన్ తార మూడోసారి కూడా బ్రేకప్ చెప్పడంపై ఆమె అభిమానులు తెగ బాధపడుతున్నారు.