1980 దశకంలో తెలుగుతెర పై ఇదివరకు ఎరగని డాన్సులు, ఫైట్స్ అవలీలగా చేసే సుప్రీం హీరో చిరంజీవి. హిట్టు, సూపర్ హిట్టు, ఇండస్ట్రీ హిట్టు సినిమాలకి మారుపేరుగా ఆయన మారిపోయాడు. అలాంటి స్టార్ హీరోతో సినీ పరిశ్రమలో అడుగు పెట్టిన ప్రతి హీరోయిన్ నటించాలి అనుకోవడం అత్యంత సహజం.
అలా అప్పటి సమకాలీన హీరోలందరితో నటించిన రజిని చిరంజీవి తో నటించే అవకాశం తృటిలో తప్పిపోయింది. బాలకృష్ణతో సీతారామ కళ్యాణం, ప్రాణానికి ప్రాణం, రాము చిత్రాల్లో నటించింది. ఇక వెంకటేష్ తో ధ్రువ నక్షత్రం, బ్రహ్మరుద్రులు ఆయనకు జోడీగా చిందులు వేసింది. నాగార్జునతో మజ్ను, మురళీ కృష్ణుడు, కలెక్టర్ గారి అబ్బాయి.
ఇక రాజేంద్రప్రసాద్ తో రెండు రెళ్ళ ఆరు, అహ నా పెళ్ళంట లాంటి అనేక చిత్రాల్లో ఆమె నటించింది. అడపాదడపా చిరంజీవితో అవకాశాలు వచ్చినప్పటికీ మధ్యవర్తులు అవకాశం తన వరకు రాకుండా చేశారని ఆమె వాపోయారు.
హీరోయిన్ అశ్విని… చంద్రమోహన్, బాలకృష్ణ, రాజశేఖర్, రాజేంద్రప్రసాద్, మోహన్ బాబులతో కలిసి నటించింది. అయితే ఒకసారి బాలకృష్ణతో “భానుమతి గారి మొగుడు” చిత్రంలో నటిస్తున్నప్పుడు చిరంజీవితో కలిసి నటించే అవకాశం వచ్చినా డేట్స్ అడ్జస్ట్ కాకపోవడంతో చిరంజీవితో చేసే అవకాశం అశ్విని చేజారిపోయింది.
1990 ప్రథమార్థంలో సినీ పరిశ్రమకు ప్రవేశించిన ఆమని కృష్ణ, బాలకృష్ణ, నాగార్జున, రాజేంద్ర ప్రసాద్ వంటి హీరోలతో నటించినప్పటికీ చిరంజీవితో నటించే అవకాశాన్ని త్రుటిలో కోల్పోయింది. కోడి రామకృష్ణ దర్శకత్వంలో వచ్చిన “రిక్షావోడు” చిత్రంలో సౌందర్యతో పాటుగా మరో హీరోయిన్ గా ఆమని అనుకున్నప్పటికీ నిర్మాతలు ఈ విషయాన్ని తెలపకుండా ఆమని తొలగించి నగ్మాను పెట్టుకున్నారు.
1994లో ఎస్వీ కృష్ణారెడ్డి దర్శకత్వం లో యమలీల చిత్రంలో అలీ, ఇంద్రజ హీరో, హీరోయిన్ గా నటించారు. ఆ తర్వాత ఇంద్రజ.. రాజేంద్ర ప్రసాద్, నాగార్జున, బాలకృష్ణతో “పెద్దన్నయ్య” చిత్రంలో నటిస్తున్నప్పుడు చిరంజీవి తో చేసే అవకాశం వచ్చినప్పటికీ డేట్స్ అడ్జస్ట్ కాకపోవడంతో ఇంద్రజ చిరంజీవితో చేసే అవకాశాన్ని కోల్పోయింది.
శుభాకాంక్షలు సినిమాతో తెలుగు పరిశ్రమకు పరిచయమైన రాశి.. శ్రీకాంత్ జగపతిబాబు, మోహన్ బాబు, రాజశేఖర్, రాజేంద్ర ప్రసాద్, బాలకృష్ణ వంటి హీరోలతో కలిసి నటించారు. “మనసంతా నువ్వే” చిత్రం విజయం తర్వాత వి.ఎన్.ఆదిత్య దర్శకత్వంలో చిరంజీవి, రాశి హీరో, హీరోయిన్లుగా సినిమా అనౌన్స్మెంట్ జరిగి మధ్యలోనే సినిమా ఆగిపోవడం గమనార్హం. చిరంజీవితో అవకాశం తప్పిపోయినప్పటికి రాశి, పవన్ కళ్యాణ్ తో “సుస్వాగతం” సినిమా చేసే అవకాశాన్ని పొందింది.
ఈ విధంగా అనేక మంది హీరోయిన్స్ చిరంజీవితో అవకాశం వచ్చినట్టే వచ్చి తృటిలో తప్పి పోవడం వారి దురదృష్టంగా భావించడం జరిగింది.
కర్ణాటక రాష్ట్రంలోని బెళగావి జిల్లాలో చోటుచేసుకున్న ఒక దారుణ ఘటన కుటుంబాల్లో పెరుగుతున్న అసహనం ఎంత ప్రమాదకరంగా మారుతుందో మరోసారి…
సినీ దర్శకుడు పూరి జగన్నాథ్ తన కొత్త పాడ్కాస్ట్లో మరోసారి తనదైన స్టైల్లో ఆలోచింపజేసే విషయాలను ప్రస్తావించారు. ‘సైన్స్ అండ్…
ఐకాన్ స్టార్ అల్లు అర్జున్ తన కెరీర్లోనే కాకుండా వ్యక్తిగత జీవితంలోనూ లగ్జరీకి ప్రాధాన్యత ఇస్తున్నట్లు మరోసారి రుజువైంది. ఇప్పటికే…
ఉమ్మడి ఆంధ్రప్రదేశ్ మాజీ ముఖ్యమంత్రి నాదెండ్ల భాస్కర్ రావు కన్నుమూశారు. 90 ఏళ్ల వయసులో ఆయన బుధవారం ఉదయం తుదిశ్వాస…
తెలుగు సినీ పరిశ్రమపై ఎప్పుడూ ముక్కుసూటిగా మాట్లాడే నటుడు జేడీ చక్రవర్తి తాజాగా మరోసారి ఆసక్తికర వ్యాఖ్యలతో వార్తల్లో నిలిచారు.…
సినిమా రంగంలో నటీనటుల కష్టాలు, అంకితభావం గురించి తరచూ వినిపిస్తుంటుంది. అయితే కొంతమంది స్టార్ హీరోయిన్లు తమ పనిపై చూపించే…