Raghava Lawrence: గౌరవ డాక్టరేట్ అందుకున్న నటుడు రాఘవ లారెన్స్… సరైన అర్హుడు అంటూ ట్వీట్స్?

Raghava Lawrence: రాఘవ లారెన్స్ ఈ పేరు గురించి పరిచయం అవసరం లేదు. ఈయన తమిళంలో పాటు తెలుగులో కూడా ఎన్నో సినిమాలలో నటించడమే కాకుండా డాన్సర్ గా, నిర్మాతగా, దర్శకుడిగా కూడా ఎంతో మంచి పేరు సంపాదించుకున్నారు.ఇలా తెలుగు తమిళ భాషలలో ఎంతో మంది అభిమానులను సంపాదించుకున్న రాఘవ లారెన్స్ గత కొన్ని రోజుల నుంచి వెండితెరకు దూరంగా ఉన్నారు.

ఇకపోతే ఈయన ప్రస్తుతం వరుస సినిమాలతో బిజీగా గడుపుతున్నారు. త్వరలోనే ఈయన నటించిన సినిమాలన్నీ కూడా విడుదలకు సిద్ధమవుతున్నాయి. ఇక తెలుగులో ఈయన నటించిన కాంచన, గంగ వంటి థ్రిల్లర్ సినిమాలు ప్రేక్షకులను ఎంతగానో ఆకట్టుకున్నాయి. ఇక చివరిగా శివగంగ అనే సినిమాతో ప్రేక్షకులను సందడి చేసిన రాఘవ లారెన్స్ త్వరలోనే రుద్రుడు అనే సినిమా ద్వారా ప్రేక్షకుల ముందుకు రాబోతున్నారు.

అదేవిధంగా వాసు దశకత్వంలో తెరకెక్కిన చంద్రముఖి సినిమా ఎలాంటి హిట్ అందుకుందో మనకు తెలిసిందే ఈ క్రమంలోనే ఈ సినిమాకి సీక్వెల్ చిత్రంతో లారెన్స్ బిజీగా ఉన్నారు.ఇలా కెరియర్లో నటుడిగా ఎంతో మంచి గుర్తింపు సంపాదించుకున్న లారెన్స్ సామాజిక సేవ కార్యక్రమాలలో కూడా ఎంతో చురుగ్గా పాల్గొంటారు. ఈయన ఎంతోమంది అనాధలను వికలాంగులను అంధులను చేరదీసి వారికి ప్రత్యేకంగా ఆశ్రమాలను ఏర్పాటు చేసి వారి బాగోగులు చూసుకుంటున్నారు.

లారెన్స్ స్థానంలో డాక్టరేట్ అందుకున్న లారెన్స్ తల్లి…

ఇకపోతే ఎవరికైనా కష్టం వచ్చిందని తెలిసిన లేదా సమస్యలలో ఉన్నారని తెలిసిన వెంటనే ఆదుకొని వారికి సహాయం చేస్తూ ఉంటారు. ఈ విధంగా ఎంతో మానవత్వంతో అందరికీ సహాయం చేస్తున్నటువంటి లారెన్స్ కి అరుదైన గౌరవం లభించింది. ఈయన సేవలను గుర్తించిన అంతర్జాతీయ నేర నిరోధక సంస్థ, మానవ హక్కుల సంఘం కలిసి గౌరవ డాక్టరేట్‌ ప్రకటించాయి.ఇక ఈ కార్యక్రమం ఆదివారం చెన్నైలో ఎంతో ఘనంగా జరిగింది. అయితే లారెన్స్ రుద్రుడు సినిమా షూటింగ్లో బిజీగా ఉండటం వల్ల ఆయన స్థానంలో ఆ గౌరవాన్ని తన తల్లి అందుకున్నారు.ఇక ఈ విషయం సోషల్ మీడియాలో తెలియడంతో ఎంతో మంది అభిమానులు లారెన్స్ కు సరైన గౌరవం లభించింది అంటూ పెద్ద ఎత్తున శుభాకాంక్షలు తెలియజేస్తున్నారు.