Hrithik Roshan: ఆ సినిమా వల్ల నా ప్రాణాలు పోయే పరిస్థితి వచ్చింది: హృతిక్ రోషన్

Hrithik Roshan: బాలీవుడ్ ఇండస్ట్రీలో స్టార్ హీరోగా గుర్తింపు పొందిన హృతిక్ రోషన్ గురించి ప్రత్యేకంగా పరిచయం చేయాల్సిన అవసరం లేదు. ఎన్నో సూపర్ హిట్ సినిమాలలో నటించిన హృతిక్ రోషన్ స్టార్ హీరోగా గుర్తింపు పొందాడు. ఇండస్ట్రీలో హృతిక్ రోషన్ కి లేడీ ఫ్యాన్ ఫాలోయింగ్ కూడా చాలా ఎక్కువ. అయితే హృతిక్ రోషన్ ఎక్కువగా యాక్షన్ సినిమాలలో నటిస్తూ ఆ సినిమా సన్నివేశాల కోసం డూప్ లేకుండా తానే స్వయంగా యాక్షన్ సన్నివేశాలలో నటించేవాడు.

ఇలా హృతిక్ రోషన్ బాలీవుడ్ యాక్షన్ హీరోగా గుర్తింపు పొందాడు. అయితే ఇలా యాక్షన్ సన్నివేశాలలో నటించటానికి హృతిక్ రోషన్ చాలా కష్టపడవలసి వచ్చేదని ఆయన ఒక ఇంటర్వ్యూలో వెల్లడించాడు.ఇటీవల తన ఫిట్నెస్ ట్రైనర్ క్రిస్ గెతిన్ తో జరిగిన ఇంటర్వ్యూలో మాట్లాడుతూ సినిమాల గురించి అనేక ఆసక్తికర విషయాలను వెల్లడించాడు.

ఈ సందర్భంగా హృతిక్ రోషన్ మాట్లాడుతూ సినిమాలలో యాక్షన్ సన్నివేశాల కోసం తాను చాలా కష్టపడవలసి వచ్చేదని, కొన్ని సందర్భాలలో ఇలా యాక్షన్ సన్నివేశాలలో నటించడం వల్ల అనేక గాయాలు కూడా అయ్యేవని చెప్పుకొచ్చాడు. ముఖ్యంగా తాను వార్ సినిమా షూటింగ్ సమయంలో ఎంతో కష్టపడ్డానని , నా జీవితంలో నేను అత్యంత కష్టపడిన సినిమా ఇదేనని వెల్లడించాడు. ఈ సినిమా కోసం శారీరకంగా తనని తనని తాను మార్చుకోవడానికి తన శరీరాన్ని ఎంతో కష్టపెట్టాడని,ఇలా శారీరకంగా బాగా కష్టపడటంతో ఒకానొక సమయంలో డిప్రెషన్ లోకి వెళ్లిపోయానని హృతిక్ రోషన్ వెల్లడించారు.

Hrithik Roshan: చనిపోతాను అనుకున్నా…

ఈ డిప్రెషన్ కారణంగా అసలు బ్రతుకుతానా లేక చనిపోతానా అన్న భావన తనలో కలిగిందని హృతిక్ వెల్లడించాడు. యాక్షన్ ఎంటర్టైనర్ గా తెరకెక్కిన ఈ వార్ సినిమా 2019లో విడుదలై బ్లాక్ బస్టర్ హిట్ అందుకుంది. ఈ సినిమా సక్సెస్ అవ్వటంతో దానిబడిన కష్టానికి ప్రతిఫలం లభించిందని ఈ ఇంటర్వ్యూలో వెల్లడించాడు. ఇటీవల హృతిక్ రోషన్ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇలా హృతిక్ రోషన్ ఎక్కువగా యాక్షన్ సినిమాలలో నటిస్తూ ప్రేక్షకులను ఆకట్టుకుంటు ఎంతోమంది ప్రేక్షకులను తన అభిమానులుగా మార్చుకున్నాడు.