అన్నతో నిశ్చితార్థం.. తమ్ముడితో పెళ్లి.. ఆ తర్వాత ఏం జరిగిందంటే?

అన్నతో నిశ్చితార్థం జరిగింది.. అయితే పెళ్లి సమయానికి అన్న రాకపోవడంతో తమ్ముడికి ఇచ్చి పెళ్లి చేశారు. అయితే తమ్ముడు పెళ్లయితే చేసుకున్నాడు కానీ అన్న ఇష్టపడిన యువతిని తాను పెళ్లి చేసుకోవడంతో ఎంతో కృంగిపోయాడు. ఈ క్రమంలోనే తన భార్యను మానసికంగా వేధించేవాడు. దీంతో పెళ్లి అయిన నెలరోజులు కూడా గడవకముందే నవవధువు ఆత్మహత్య చేసుకున్న ఘటన హైదరాబాదులో చోటు చేసుకుంది. పూర్తి వివరాల్లోకి వెళితే…

పాతబస్తీ వట్టెపల్లికి చెందిన షబ్బీర్‌ అలీ కుమార్తె షాహిన్‌బేగంకి జల్‌పల్లి న్యూ బాబానగర్‌‌కు చెందిన మీర్‌ ఇస్మాయిలుద్దిన్ అనే యువకుడికి గత నెల 12వ తేదీన వివాహం జరిగింది. అయితే మూడు సంవత్సరాల క్రితమే ఇస్మాయిలుద్దిన్ అన్న జలాలుద్దీన్‌తో షాహిన్‌బేగంకి నిశ్చితార్థం అయ్యింది. ఉపాధి కోసం దుబాయ్ వెళ్లారు. అయితే కరోనా కారణం వల్ల జలాలుద్దీన్‌ ఇంటికి రాలేదు.అలాగే అతడు ఎక్కడున్నాడో కూడా ఆచూకీ తెలియకపోవడంతో ఇరు కుటుంబాల పెద్దలు చర్చించుకొని షాహిన్‌బేగం పెళ్లిని తమ్ముడు ఇస్మాయిలుద్దిన్ కి ఇచ్చి వివాహం చేయాలని భావించారు.

ఈ క్రమంలోనే వీరిరువురు పెళ్లి జరిగినప్పటికీ అన్న కాబోయే భార్యను తన భార్యగా చేసుకున్నందుకు
ఇస్మాయిలుద్దిన్ ఎంతో కృంగిపోయాడు. ఈ క్రమంలోనే ఆమెను ఎంతో మానసికంగా వేధించే వాడని తెలుస్తుంది. ఈ క్రమంలోనే ఎంతో మానసిక వేదనకు గురైన షాహిన్ ఇంట్లో ఎవరూ లేని సమయంలో ఫ్యాన్ కి ఉరి వేసుకుని ఆత్మహత్య చేసుకుంది. ఈ క్రమంలోనే తమ కూతురు మరణం పై షాహిన్ బేగం తల్లిదండ్రులు అనుమానాలు వ్యక్తం చేస్తున్నారు.