ఆర్ఆర్ఆర్ అప్పటికైనా పూర్తవుతుందా.. రామ్ చరణ్ ఘాటు వ్యాఖ్యలు!

రాజమౌళి దర్శకత్వంలో తెరకెక్కుతున్న “ఆర్ఆర్ఆర్ ” చిత్ర నిర్మాణం చివరి దశకు వచ్చినట్టు తెలుస్తోంది. ఈ క్రమంలోనే చిత్రబృందం మొత్తం లాస్ట్ షెడ్యూల్ కోసం ఉక్రెయిన్‌ వెళ్లిన సంగతి మనకు తెలిసిందే. తాజాగా ఇక్కడ సెట్లో పాల్గొన్న రామ్ చరణ్ ఎన్టీఆర్ మధ్య చిన్న సంభాషణ జరిగింది. ఈ క్రమంలోనే ఎన్టీఆర్ అన్న మాటలకు రామ్ చరణ్ అసహనం వ్యక్తం చేశారు.ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది. అసలు చెర్రీ ఎందుకంత అసహనం వ్యక్తం చేశాడో ఇక్కడ తెలుసుకుందాం..

ఈ క్రమంలోనే ఎన్టీఆర్ చరణ్ ను ఉద్దేశించి డ్రమ్స్ ప్రాక్టీస్ చేయడం అయిపోయిందా… అని అడగగా అందుకు చెర్రీ తన ముందున్న బల్లపై డ్రమ్ వాయిస్తూ అయిపోయింది అంటాడు. ఈ క్రమంలోనే రామ్ చరణ్ పక్కనే ఉన్నటువంటి కార్తికేయతో మాట్లాడుతూ.. రియల్ డ్రమ్స్ ఎక్కడ అని అడగగా అందుకు కార్తికేయ ఒక్క నిమిషం సార్ అంటూ సమాధానం చెబుతాడు.

ఈ సందర్భంగా రామ్ చరణ్ మాట్లాడుతూ కాస్ట్యూమ్స్ లేవు, ఏమీ లేవు, పొద్దున్నే ఇక్కడ కూర్చోబెట్టారు. దసరాకు రిలీజ్ డేట్ ఉందా లేదా అంటూ అసహనం వ్యక్తం చేశారు. ప్రస్తుతం ఈ ఘటనకు సంబంధించిన వీడియోను సోషల్ మీడియాలో షేర్ చేయగా ఈ వీడియో కాస్త వైరల్ గా మారింది.

ప్రస్తుతం ఉక్రెయిన్‌ లో షూటింగ్ పూర్తవడంతో “ఆర్ఆర్ఆర్ “షూటింగ్ మొత్తం పూర్తవుతుందని తొందరలోనే పోస్ట్ ప్రొడక్షన్ పనులు ప్రారంభించి ముందుగా అనుకున్న ప్రకారం దసరాకు ఈ సినిమాను విడుదల చేయాలని సన్నాహాలు చేస్తున్నారు. దేశవ్యాప్తంగా ఎంతోమంది మెగా, నందమూరి అభిమానులు ఈ సినిమా కోసం ఎదురు చూస్తున్నారు.