Raghu Kunche: చాన్స్ ఇవ్వమని రవితేజను చాలా సార్లు అడిగా.. ఇప్పటివరకు లేదు.. రఘు కుంచే షాకింగ్ కామెంట్స్!

Raghu Kunche: టాలీవుడ్ ఇండస్ట్రీలో మ్యూజిక్ డైరెక్టర్ గా, ఎంతో మంచి పేరు సంపాదించుకున్న వారిలో రఘు కుంచే ఒకరు. ఈయన మ్యూజిక్ డైరెక్షన్ లో తెరకెక్కిన ఎన్నో సినిమాలు మంచి మ్యూజికల్ హిట్ అందుకున్నాయి. ఇలా తాజాగా ఆయన దర్శకత్వంలో తెరకెక్కిన పలాస చిత్రంలోని పాటలు సైతం ప్రేక్షకులను బాగా సందడి చేశాయి.

తాజాగా రఘు కుంచే ఒక యూట్యూబ్ ఛానల్ ఇంటర్వ్యూలో పాల్గొని తన కెరియర్లో జరిగిన పలు సంఘటనల గురించి వెల్లడించారు. ఈ క్రమంలోనే ఈయనకు పలు ఆసక్తికరమైన ప్రశ్నలు ఎదురయ్యాయి. ఈ సందర్భంగా యాంకర్ మాట్లాడుతూ రఘు కుంచె చేసిన సినిమాలన్నీ కూడా చాలా మంచి విజయాలను అందుకున్నాయి. అయితే ఆ తర్వాత కాంబినేషన్ లో మీ స్థానంలో వేరే వాళ్ళు ఉంటారు ఎందుకు అని ప్రశ్నించారు.

ఈ ప్రశ్నకు రఘు కుంచే సమాధానం చెబుతూ ఆసక్తికరమైన విషయాలను వెల్లడించారు. ఆయన రవితేజతో చేసిన దేవుడు చేసిన మనుషులు సినిమా మ్యూజికల్ గా చాలా మంచి హిట్ అయ్యింది. ఎన్నోసార్లు రవితేజ చాలా మంచి మ్యూజిక్, సాంగ్స్ అందించారని చెబుతుంటారు. అయితే ఆ సినిమా ఫ్లాప్ అయింది. సినిమా ఫ్లాప్ అవ్వడానికి తాను కారణం కాదని రఘు వెల్లడించారు.

లాజిక్ ఉండదు..

ఇక ఈ సినిమా మంచి హిట్ అవడంతో రవితేజను తర్వాత సినిమా అవకాశం తనకు ఇవ్వమని అడిగాను. ఇప్పటివరకు తనకు అవకాశం ఇవ్వలేదని తెలిపారు. ఇలా ఇండస్ట్రీలో ఎంతో మంది దర్శక నిర్మాతలు సినిమా కోసం చాలా కష్ట పడతారని చెబుతారు కానీ అవకాశాలు మాత్రం ఇవ్వరని తెలిపారు. ఇప్పుడు ఇండస్ట్రీలో ప్రతి ఒక్కరు అందరికీ నచ్చాలని ఏముండదు ఒక వ్యక్తి కొందరికి నచ్చుతారు మరికొందరికి నచ్చరు. అయితే ఇలా ఎందుకు నచ్చుతారు ఎందుకు నచ్చరనేదానికి ప్రాపర్ లాజిక్ ఉండదు అంటూ ఈ సందర్భంగా రఘు కుంచె తెలిపారు.