Kajal Aggarwal: సినిమాలలో నటిస్తూ కాజల్ అగర్వాల్ ఎన్ని కోట్ల ఆస్తులు సంపాదించారో తెలిస్తే షాక్ అవ్వాల్సిందే!

Kajal Aggarwal: వెండితెర చందమామ కాజల్ అగర్వాల్ గురించి ప్రత్యేకంగా చెప్పాల్సిన పనిలేదు. ఈమె తేజ దర్శకత్వంలో తెరకెక్కిన లక్ష్మీ కళ్యాణం సినిమా ద్వారా తెలుగు ప్రేక్షకులకు పరిచయమయ్యారు. మొదటి సినిమాతోనే మంచి గుర్తింపు సంపాదించుకున్న కాజల్ అగర్వాల్ చందమామ సినిమాతో ఎంతో మంచి విజయాన్ని అందుకొని వరుస సినిమాలతో ఇండస్ట్రీలో ఎంతో బిజీగా ఉన్నారు.

ఈ విధంగా కాజల్ అగర్వాల్ తన సినీ కెరీర్లో ఎన్నో బ్లాక్ బస్టర్ చిత్రాలలో నటించారు. కేవలం తెలుగులో మాత్రమే కాకుండా తమిళం హిందీ భాషల్లో కూడా ఎన్నో అద్భుతమైన సినిమాల్లో నటించారు.దాదాపు 15 సంవత్సరాలుగా ఇండస్ట్రీలో కొనసాగుతున్న కాజల్అగర్వాల్ ఒకవైపు సినిమాలలో నటిస్తూనే మరోవైపు వెబ్ సిరీస్, అదేవిధంగా పలు బ్రాండ్లకు అంబాసిడర్ గా వ్యవహరిస్తూ రెండు చేతుల సంపాదించారు.

ఇలా సినిమాల్లో నటిస్తూనే కాజల్ అగర్వాల్ దాదాపు వంద కోట్ల రూపాయల ఆస్తులను కూడబెట్టినట్లు తెలుస్తోంది. ఖరీదైన కార్లు బంగ్లాలు అన్ని కలిపి కాజల్ అగర్వాల్ కి వంద కోట్ల వరకు ఆస్తులు ఉన్నాయని సమాచారం. సాధారణంగా బాలీవుడ్ సెలబ్రిటీలు మాత్రమే ఇలా వంద కోట్లలో ఆస్తిపాస్తులను సంపాదిస్తుంటారు. అయితే కాజల్ అగర్వాల్ కూడా ఇలా వంద కోట్ల రూపాయల ఆస్తులను సంపాదించడంతో అందరూ ఆశ్చర్యపోతున్నారు.

భర్తతో కలిసి వ్యాపార రంగంలోకి అడుగు పెట్టిన కాజల్…

ఇక కాజల్ అగర్వాల్ తన చిన్ననాటి స్నేహితుడు గౌతమ్ కిచ్లు అనే వ్యక్తిని ప్రేమించి పెళ్లి చేసుకొని గత నెల 19వ తేదీ ఒక పండంటి మగబిడ్డకు జన్మనిచ్చారు. కాజల్ తన బిడ్డకు నీల్ కిచ్లు అని నామకరణం చేశారు. ఇక పెళ్లయిన తర్వాత కాజల్ అగర్వాల్ తన భర్తతో కలిసి వ్యాపారరంగంలో కొనసాగుతున్నారు.ప్రస్తుతం కాజల్ పండంటి బిడ్డకు జన్మనివ్వడంతో ఈమె సినిమాలకు కాస్త విరామం ప్రకటించారు.