I didn't go to see my husband when he died... Vilan Tiger Prabhakar Wife Anju
Vilan Tiger Prabhakar Wife Anju : అంజు.. ఈ పేరు వినగానే మనకు ఒకప్పటి చైల్డ్ ఆర్టిస్ట్ గుర్తుకు వస్తారు. తమిళం, తెలుగు, కన్నడ, మలయాళం ఇలా సౌత్ భాషల్లో ఎన్నో సినిమాల్లో నటించి మంచి పేరు తెచ్చుకున్నారు. నిజానికి ఆమె అసలు పేరు పార్వతి. కానీ, అంజుగా సినిమా ఇండస్ట్రీలో స్థిరపడిపోయారు. చైల్డ్ ఆర్టిస్ట్గా తెలుగులో శోభన్ బాబు, చిరంజీవి వంటి స్టార్ హీరోల సినిమాల్లో నటించారు. హీరోయిన్గా దాదాపు అన్ని భాషల్లో కలిపి 70కి పైగా సినిమాల్లో మెరిసింది. తెలుగులో ‘నిరీక్షణ’ వంటి సినిమాలో అంజు నటనకు మంచి గుర్తింపు వచ్చింది. ఆ తర్వాత చాలా గ్యాప్ తీసుకుని ‘శేషు’లో నటించి మెప్పించింది. ఒక యూట్యూబ్ ఛానెల్కి ఇచ్చిన ఇంటర్వ్యూలో తన వ్యక్తిగత జీవితం, కెరీర్ గురించి ఎన్నో ఆసక్తికరమైన విషయాలను పంచుకున్నారు అంజు.
టైగర్ ప్రభాకర్తో పెళ్లి… విడాకులు… చివరి చూపునకు కూడా వెళ్లలేదు…
చైల్డ్ ఆర్టిస్ట్ నుండి హీరోయిన్గా మారిన అంజు కన్నడ సినిమాల్లో నటిస్తున్న సమయంలో విలన్గా మంచి పేరు తెచ్చుకున్న టైగర్ ప్రభాకర్తో ప్రేమలో పడ్డారు. ఒక సినిమాలో కలిసి పనిచేసేటప్పుడు వారి మధ్య పరిచయం ఏర్పడింది. ఆ తర్వాత ప్రభాకర్ ఆమెకు ప్రపోజ్ చేశారు. అంజు ఇంట్లో వాళ్లు వద్దని చెప్పినా వినకుండా ఆ సినిమా పూర్తయ్యాక పెళ్లి చేసుకున్నారు. అయితే, అప్పటికే ప్రభాకర్కు ఒక పెళ్లయి విడాకులు తీసుకున్న విషయం అంజుకు తెలుసు. ఇద్దరి మధ్య వయసు వ్యత్యాసం కూడా ఎక్కువే. పెళ్లి సమయానికి అంజు వయసు 18 ఏళ్లు కాగా, ప్రభాకర్ వయసు నలభై దాటిపోయింది. అయినా ఆమె పెద్దలను ఎదిరించి ఆయన్ని పెళ్లి చేసుకున్నారు. పెళ్లయ్యాక ప్రభాకర్కు అప్పటికే రెండు పెళ్లిళ్లు అయ్యాయనే విషయం అంజుకు తెలిసి షాక్ అయ్యారు.
మూడు నెలల గర్భవతిగా ఉన్న సమయంలో గొడవలు ఎక్కువయ్యాయి. ‘ఉంటే సర్దుకుని ఉండు.. లేకపోతే వెళ్లిపో’ అని భర్త చెప్పడంతో, ఆయనకు చాలామంది అమ్మాయిలతో సంబంధాలు ఉన్నాయని తెలిసి అంజు పుట్టింటికి వచ్చేశారు. బాబు పుట్టాక ఒక్కసారి కూడా తన కొడుకుని చూడటానికి రాలేదని, ఆ బాధ, కోపం తనలో ఉన్నాయని అంజు చెప్పారు. టైగర్ ప్రభాకర్ 48 ఏళ్ల వయసులో గుండెపోటుతో మరణించారు. అప్పటికి అంజు కొడుకు వయసు మూడు సంవత్సరాలు. కాబట్టి తన తండ్రి గురించి వాడికి పెద్దగా ఏమీ తెలియదు. ప్రభాకర్ చనిపోయిన విషయం కూడా ఒక నిర్మాత ఫోన్ చేసి చెప్పడం ద్వారా అంజుకు తెలిసింది. అయితే, ఆయన చనిపోయినప్పుడు చూడటానికి కూడా వెళ్లాలని అనిపించలేదని, అందుకే వెళ్లలేదని అంజు చెప్పారు.
తెలుగు ఇంటి వంటల్లో ఊరగాయకు ఉన్న స్థానం ప్రత్యేకం. వేడివేడి అన్నంలో ఒక ముద్ద పచ్చడి ఉంటే చాలు, భోజనానికి…
ప్రస్తుతం ప్రపంచవ్యాప్తంగా పర్యాటకం, ఉద్యోగాలు, వ్యాపార ప్రయాణాలు విపరీతంగా పెరిగిపోయాయి. ఒక నగరం నుంచి మరో నగరానికి, ఒక దేశం…
ప్రస్తుతం ప్రభుత్వ రంగ ఉద్యోగాల కోసం ఎదురుచూస్తున్న అభ్యర్థులకు ప్రముఖ ప్రభుత్వ రంగ బ్యాంక్ అయిన బ్యాంక్ ఆఫ్ బరోడా…
తెలంగాణలో క్రికెట్కు మరింత ప్రోత్సాహం అందించే లక్ష్యంతో హైదరాబాద్ క్రికెట్ అసోసియేషన్ ప్రతిష్టాత్మకంగా నిర్వహిస్తున్న టీజీ20 లీగ్ ప్రారంభానికి సర్వం…
తెలుగు బుల్లితెర ప్రేక్షకులకు యాంకర్గా, నటిగా సుపరిచితమైన విష్ణుప్రియ భీమినేని మరోసారి వార్తల్లో నిలిచారు. టెలివిజన్ షోలు, రియాలిటీ కార్యక్రమాలు,…
వ్యవసాయం అనేది దేశ ఆర్థిక వ్యవస్థకు వెన్నెముక. రైతు సంతోషంగా ఉంటేనే గ్రామీణ ఆర్థిక వ్యవస్థ బలోపేతం అవుతుంది. అయితే…