Ram Charan: నా దగ్గర డబ్బులు లేవు అందుకే సినిమాల్లో నటిస్తున్నా.. రామ్ చరణ్ షాకింగ్ కామెంట్స్!

Ram Charan: రామ్ చరన్ తేజ్ ప్రత్యేకంగా పరిచయం అక్కరలేని పేరు. తెలుగుతో పాటు బాలీవుడ్, తమిళ్, కన్నడ, మళయాళ ఇండస్ట్రీలో తనకంటూ గుర్తింపు తెచ్చుకున్నాడు. తాజాగా రాజమౌళి రూపొందిస్తున్న ప్యాన్ ఇండియా మూవీ ట్రిపుల్ ఆర్ లో రామ్ చరణ్ అల్లూరి సీతారామ రాజుగా కనిపిస్తున్నాడు. మరో హీరోగా ఎన్టీఆర్.. కొమురం భీం పాత్రలో నటిస్తున్నారు.

బాలీవుడ్ ముద్దుగుమ్మ అలియాభట్, స్టార్ హీరో అజయ్ దేవ్ గన్ నటిస్తుండటంతోె ఈసినిమాపై భారీ అంచానాలు ఉన్నాయి. జనవరి 7న 14 భాషల్లో ట్రిపుల్ ఆర్ రిలీజ్ కాబోతోంది. 

అయితే ఇప్పటికే సినిమా యూనిట్ పెద్ద ఎత్తున ప్రమోషన్లు చేస్తోంది. చెన్నై, హైదరాబాద్, బెంగళూర్, ముంబై, కొచ్చిలలో సినిమా ప్రమోషన్లు చేశారు. బాలీవుడ్ లో భారీ ఎత్తున సినిమా ప్రీ రిలీజ్ ఈవెంట్ ను నిర్వహించారు. అయితే తాజాగా ఓ షోలో రామ్ చరణ్ తేజ్ ఆసక్తికర వ్యాఖ్యలు చేశారు. తాజాగా ప్రముఖ కమెడియన్ కపిల్ శర్మ షోకు గెస్ట్ లుగా రామ్ చరణ్, ఎన్టీఆర్, అలియాభట్, రాజమౌళి హాజరయ్యారు. ’ది కపిల్ శర్మ‘ షోకు సంబంధించిన వీడియోలు వైరల్ గా మారాయి. 

అన్నీ ఉంటే మీ షోకి ఎందుకు వస్తాను..

కపిల్ శర్మ.. రామ్ చరణ్ గురించి మీకు ఏయిరోప్లెన్ కంపెనీ, హోటళ్లు, ఆసుపత్రులు ఇలా చాలా బిజినెస్ లు ఉన్నాయంట కదా.. మరి మీరు హాయిగా రెస్ట్ తీసుకోక ఎందుకు సినిమాలు.. ప్రమోషన్లు అంటూ పరుగులు పెడుతున్నారంటూ అడిగారు. దీనికి రామ్ చరణ్ తేజ్ నాకేమీ ఎయిరోప్లెన్ కంపెనీలు లేవు… ఇదే ఉంటే మీ షోకు ఎందుకు వస్తాను, డబ్బులు లేవు అందుకే సినిమాలు చేస్తున్నా అంటూ బదులిచ్చారు. ప్రస్తుతం ఈ విడియో సోషల్ మీడియాలో వైరల్ గా మారింది.