Bandla Ganesh: పవన్ కళ్యాణ్ తో సినిమాలు చేయను.. బండ్ల గణేష్ షాకింగ్ డెసిషన్?

Bandla Ganesh: ఈశ్వర… పరమేశ్వర… పవనేశ్వరా అంటూ నిత్యం పవన్ కళ్యాణ్ జపం చేసే బండ్లగణేష్ సోషల్ మీడియా వేదికగా ఏం చేసినా క్షణాల్లో వైరల్ గా మారుతుంది. టాలీవుడ్ ఇండస్ట్రీలో కమెడియన్ నిర్మాతగా ఎంతో మంచి గుర్తింపు సంపాదించుకున్న బండ్లగణేష్ మెగా అభిమాని అని ప్రత్యేకంగా చెప్పాల్సిన పనిలేదు. ముఖ్యంగా బండ్ల గణేష్ పవన్ కళ్యాణ్ కు వీరాభిమాని పవన్ కళ్యాణ్ నా దేవుడు అంటూ అతని నామస్మరణ చేస్తుంటారు.

ఇలా పవన్ కళ్యాణ్ తో గతంలో పలు సినిమాలను నిర్మించిన బండ్లగణేష్ అనంతరం కొద్ది రోజులపాటు ఇండస్ట్రీకి దూరం అయ్యారు. తిరిగి ఇండస్ట్రీలోకి అడుగు పెట్టిన బండ్ల గణేష్ పలు సందర్భాలలో పవన్ కళ్యాణ్ తో త్వరలోనే ఒక సినిమాను చేస్తానని ప్రకటించారు.

ఈ క్రమంలోనే సోషల్ మీడియా వేదికగా ఈయన ఎప్పుడు అభిమానులతో ముచ్చటించిన ఇదే ప్రశ్న తరచూ ఎదురవుతోంది.అయితే సోషల్ మీడియా వేదికగా తాజాగా బండ్ల గణేష్ చేసిన వ్యాఖ్యలు ప్రస్తుతం సంచలనంగా మారాయి. ఈ సందర్భంగా బండ్ల గణేష్ పవన్ కళ్యాణ్ తో సినిమాలు చేయనని ప్రకటించారు. ఇలా ఈయన చేయనని చెప్పడానికి కూడా ఒక కారణం ఉంది.

రాజకీయాలతో బిజీ…

ప్రస్తుతం పవన్ కళ్యాణ్ నాలుగైదు సినిమాలతో ఎంత బిజీగా ఉన్నారు. ఈ సినిమాలన్నీ అనుకున్న సమయానికి పూర్తి అయ్యేలోగా సార్వత్రిక ఎన్నికలు వస్తాయి. దీంతో పవన్ కళ్యాణ్ రాజకీయాల్లో బిజీగా ఉండిపోతారు.అందుకే పవన్ కళ్యాణ్ తో సినిమాలు చేసే సమయం కుదరదు కనుక అతనితో సినిమాలు చేయనని బండ్ల గణేష్ వెల్లడించారు. ఇప్పుడు పవన్ కళ్యాణ్ ఒప్పుకున్న సినిమాలన్నీ త్వరగా పూర్తి అయితే తప్పకుండా తనతో సినిమా చేస్తానని బండ్ల గణేష్ ఈ సందర్భంగా వెల్లడించారు.