Vishwak Sen: వివాదంలో పాగల్ హీరో.. మానవ హక్కుల కమిషన్ కు ఫిర్యాదు చేసిన అడ్వకేట్ అరుణ్!

Vishwak Sen: విశ్వక్ సేన్ ప్రస్తుతం పెద్ద వివాదంలో చిక్కుకున్నారు.ఈయన నటించిన అశోక వనంలో అర్జున కళ్యాణం సినిమా ప్రమోషన్ కార్యక్రమాల్లో భాగంగా ఒక ప్రాంక్ వీడియో చేశారు. ప్రస్తుతం ఈ వీడియో సోషల్ మీడియాలో వైరల్ గా మారి ఆయన మెడకు బిగుసుకుంది. ఫిలింనగర్ రోడ్డులో విశ్వక్సేన్ కారులో వెళ్తుండగా ఓ అభిమాని ఆయన కారుకు అడ్డంగా పడి తన హీరోకి 33 సంవత్సరాలు వచ్చినా పెళ్లి జరగలేదని దాంతో అతను ఆత్మహత్య చేసుకుంటున్నాను అంటూ పెట్రోల్ వంటిపై పోసుకుంటారు.

ఇలా ఈ వీడియో చూస్తే అది ప్రీ ప్లాన్డ్ ప్రాంక్ అని తెలుస్తుంది. అయితే సినిమా ప్రమోషన్ కోసం చేసిన ఈ వీడియో విశ్వక్ ను ఈ వివాదంలోకి నెట్టివేసింది. ఇప్పటికే ఈ వీడియోపై ఎంతో మంది నెటిజన్లు తమదైన శైలిలో ఆగ్రహం వ్యక్తం చేయగా ఈ వీడియో గురించి పలు న్యూస్ ఛానల్ ఏకంగా డిబేట్లు పెట్టేశారు. ఇదిలా ఉండగా ఈ వీడియో తాజాగా మరొక వివాదాన్ని సృష్టించింది.

ఇలా పబ్లిక్ ప్లేస్ లో పెద్ద ఎత్తున న్యూసెన్స్ క్రియేట్ చేసి ట్రాఫిక్ అంతరాయం కలిగించడంతో హీరో విశ్వక్సేన్ అడ్వకేట్ అరుణ్ కుమార్ మానవ హక్కుల కమిషన్ కు అతనిపై ఫిర్యాదు చేశారు.సినిమా ప్రమోషన్ పేరుతో ఇలా నడిరోడ్డుపై న్యూసెన్స్ క్రియేట్ చేస్తున్నారని ఈ ఫిర్యాదులో పేర్కొన్నారు.మరోసారి పబ్లిక్ ప్లేస్ లో ఇలాంటివి పునరావృతం కాకుండా చూసుకోవాలని అరుణ్ తన ఫిర్యాదులో పేర్కొన్నారు.

హాట్ టాపిక్ గా మారిన సినిమా ప్రమోషన్…

ఈ క్రమంలోనే అడ్వకేట్ అరుణ్ ఇచ్చిన ఫిర్యాదును మానవ హక్కుల కమిషన్ స్వీకరించి ఇకపై ఇలాంటివి పునరావృతం కాకుండా చూసుకుంటామని వెల్లడించారు. ఇకపోతే అశోకవనంలో అర్జున కళ్యాణం సినిమా ప్రమోషన్ కోసం చేసిన ఈ ఫ్రాంక్ వీడియో సోషల్ మీడియాలో వైరల్ గా మారడంతో ఎంతో మంది నెటిజన్లు వీడియోపై తమదైన శైలిలో కామెంట్లు చేస్తున్నారు.