వీడియో వైరల్ : లవ్ బర్డ్… దీని తెలివితేటలు చూస్తే ఫిదా కావాల్సిందే!

భూమిపై నివసించే ప్రతి ప్రాణికి గూడు అనేది తప్పనిసరి. చిన్న జీవి నుంచి మనిషి వరకు ఇల్లు అనేది ముఖ్యమైన అంశం. ఈ క్రమంలోనే ప్రతి ఒక్కరు వారి స్థోమతకు తగ్గట్టుగా ఇంటి నిర్మాణం చేపడతారు. ఈ క్రమంలోనే పక్షులకు కూడా వాటికి ఇల్లు కావాలని, అవి గుడ్లు పెట్టే సమయానికి గూడు నిర్మించుకునే పనిలో నిమగ్నం అవుతాయి.

సాధారణంగా పక్షులు చెట్ల నుంచి వివిధ రకాల పుల్లలు, గడ్డిని సేకరించి ఎంతో అందంగా గూడును నిర్మించడం మనం చూస్తూనే ఉంటాం. అయితే పక్షులు ఈ విధమైనటువంటి పుల్లలు, గడ్డి తీసుకెళ్లాలంటే నోటి సహాయంతో తీసుకెళ్లడం మనం చూస్తుంటాము.కానీ లవ్ బర్డ్ అనే ఒక పక్షి మాత్రం అన్ని పక్షులకు ఎంతో భిన్నంగా తన తెలివితేటలను ప్రదర్శించింది.

లవ్ బర్డ్ అనే పక్షి ఇంటి నిర్మాణం కోసం ఒక చెట్టు పై కూర్చుని ఆకుకు మధ్యలో ఉన్న ఈనెను ఎంతో తెలివిగా కత్తిరించి నోటిద్వారా తీసుకెళ్లకుండా,అంత దూరం ఓకే పుల్లను తీసుకెళ్ళి రావాలంటే ఎంతో శ్రమతో కూడుకున్నది కనుక ఈ పక్షి తన తెలివిని ఉపయోగించి ఈనెలన్నింటిని తన ఈకలలో దాచుకుంది.ఈ విధంగా ఈ బర్డ్ చేసిన పనికి సంబంధించిన వీడియోను ఫారెస్ట్ ఆఫీసర్ సుశాంత్ నంద సోషల్ మీడియాలో షేర్ చేయడంతో ఈ వీడియో కాస్త వైరల్ గా మారింది. ఈ వీడియో చూసిన జంతు ప్రేమికులు ఈ పక్షి తెలివి తేటల పై ప్రశంసలు కురిపిస్తున్నారు.