Indraja : పెళ్ళికి ముందు ఇంద్రజ భర్తకు ఎలాంటి షరతులు పెట్టిందో తెలుసా..?

Indraja : తెలుగులో ‘జంతర్ మంతర్’ సినిమాతో ఇంద్రజ ప్రేక్షకుల ముందుకు వచ్చినా అలీ హీరోగా వచ్చిన యమలీల సినిమాతో మంచి విజయాన్ని అందుకుంది. ఆ సినిమా తరువాత ఇంద్రజకు వరుస ఆఫర్లు వచ్చాయి. ప్రస్తుతం ఇంద్రజ బుల్లితెర మీద కొన్ని ప్రోగ్రాములకు న్యాయనిర్ణేతగా వ్యవహారిస్తున్నారు. తాజాగా ఒక ఇంటర్వ్యూలో పాల్గొన్న ఇంద్రజ చాలా విషయాలు చెప్పుకొచ్చారు. ఈ క్రమంలోనే ఇంద్రజ తనకు సంగీతం, నృత్యంపై అభిరుచి అమ్మ ద్వారానే వచ్చిందని చెప్పారు. ఎమ్.వీ.ఎన్. మూర్తి దగ్గర కూచిపూడి నృత్యాన్ని, తంగం మేడమ్ దగ్గర భరతనాట్యం నేర్చుకున్నానని ఇంద్రజ చెప్పారు.

అమ్మ నాన్న బాగోగులు నేనే చూసుకుంటాను అని…

యమలీల సినిమా సమయంలో అలీ గారి గురించి చెప్తూ.. అలీ సినిమాలలో ఎలా ఉంటారో బయట కూడా అలానే ఉంటారని అన్నారు. ఇక రాజేంద్ర ప్రసాద్ గురించి చెబుతూ.. ఆయనకు అన్ని క్రాఫ్ట్ లు తెలుసని, ఆయనను నేను డైరెక్షన్ చేయాలని కోరినట్లు ఇంద్రజ చెప్పుకొచ్చారు. తెలుగుతో పాటు తమిళ్ లో కూడా సినిమా అవకాశాలు వచ్చాయని అందులో 3 సినిమాలు చేశానని చెప్పారు.

ఇక పెళ్లి గురించి చెబుతూ.. మాది ప్రేమ వివాహం అయితే పెళ్లి తరువాత రిసెప్షన్, హనీమూన్ లాంటివి ఏమీ జరగలేదని చేప్పుకొచ్చారు. పెళ్ళికి ముందు మీ ఆయనకు ఏమైనా షరతులు పెట్టారా అన్న ప్రశ్నకు ఇలా సమాధానం చెప్పారు.. మా అమ్మ, నాన్న నాతోనే ఉంటారని వాళ్లను వదిలేసి నేను రాలేనని, వారి బాగోగులు నేనే చూసుకుంటానని చెప్పారట. అంతేకాదు చెల్లెళ్లకు పెళ్లి చేయాల్సిన బాధ్యత కూడా నాపై ఉంటుందని కూడా చెప్పానని ఇంద్రజ చెప్పుకొచ్చారు.