నువ్విలా సినిమాలో చిన్న పాత్రతో తెరంగేట్రం చేసిన విజయ్ దేవరకొండ… పెళ్లి చూపులు చిత్రం హీరోగా మంచి బ్రేక్‌ని ఇచ్చింది. ఈ మూవీలో ఆయన నటనకు విమర్శకుల, ప్రేక్షకుల ప్రశంసలు కూడా అందుకున్నారు . తర్వాత వచ్చిన అర్జున్‌ రెడ్డి తెలుగు ఇండస్ట్రీలో ఓ సెన్సేషన్‌ని సృష్టించింది. అతన్ని ఓవర్ నైట్ స్టార్‌ని చేసింది.
తదనంతరం వచ్చిన టాక్సీవాలా, గీత గోవిందంతో చక్కని విజయాన్ని అందుకొని… తెలుగు రాష్ట్రాల్లో ఇప్పుడు విజయ్… ఒక సెన్సేషన్ &యూత్‌లో మంచి ఫాలోయింగ్ ఏర్పరచుకున్నారు. ఎలాంటి సినీ బ్యాగ్రౌండ్‌ లేకున్నా తన టాలెంట్‌తో సినీ పరిశ్రమలో మంచి గుర్తింపు తెచ్చుకున్న నటుడు విజయ్ దేవరకొండ.
పాన్ ఇండియా చిత్రాలు చేసే స్థాయికి ఎదిగిన విజయ్.. సినిమాల్లోకి రాకముందు ఏమి చేసేవారనే ఆసక్తి అందరిలోనూ ఉంటుంది. అందరిలాగే ఆయన కూడా కాలేజ్ బంక్ కొట్టి సినిమాలకు వెళ్లేవాడట. సినిమా టికెట్స్ కోసం గంటల తరబడి థియేటర్స్ ముందు నిల్చునేవారట. హీరో కాకముందు ఓ సాధారణ ప్రేక్షకుడిగా తాను పొందిన అనుభవాలు.. ఇప్పటికీ తన ఆడియన్స్‌ని అర్థం చేసుకోవడానికి ఉపయోగపడ్డాయని ఆయన అంటుంటారు. ఆడియన్స్ పట్ల విజయ్ దేవరకొండ దృష్టి భిన్నంగా ఉంటుందట. నటుడు, ఆడియన్స్ అనే భేదభావం విజయ్ దేవరకొండకు ఉండదట. తన సినిమా చూడడానికి వచ్చిన ప్రేక్షకులను తన ఫ్రెండ్స్ వలె భావిస్తారట.
ఓ చిన్న నటుడిగా కెరీర్ బిగిన్ చేసి, సపోర్టింగ్ హీరోగా ఎదిగి, స్టార్ హోదా దక్కించుకున్న విజయ్ దేవరకొండ.. పూరీ దర్శకత్వంలో తెరకెక్కుతున్న లైగర్ సినిమాతో మరోసారి ప్రేక్షకుల ముందుకు రానున్నారు . ప్రస్తుతం ఈ సినిమా షూటింగ్ పనులను శరవేగంగా ఇదిలా ఉండగా తాజాగా స్టార్ డైరెక్టర్ సుకుమార్‌తో మూవీని కూడా ప్రకటించిన సంగతి తెలిసిందే.