హీరోయిన్ చీర కొంగు పట్టుకొని భార్య కు దొరికిపోయిన చిరంజీవి..!? ఆ తర్వాత..

ఒక్కోసారి మనం చేసే చిన్న చిన్న పనులు అప్పుడప్పుడు ఎక్కడ లేని టెన్షన్ ను తీసుకొస్తాయి. నిజానికి మనం కావాలని ఆ పనులు చేయకపోయినా సరే.. ఎవరు ఏమనుకుంటారో అనే ఇబ్బంది పడతాం..మెగాస్టార్ చిరంజీవి విషయంలోనూ ఓ సారి ఇలాంటి సంఘటనే జరిగిందట. దాని మూలంగా ఆయన చాలా ఇబ్బందిగా ఫీలయ్యాడట. తాజాగా సామ్ జూమ్ షోలో పాల్గొన్న చిరంజీవి.. ఈ విషయాన్ని వెల్లడించాడు. ఇంతకీ తను ఎందుకు ఇబ్బంది పడ్డాడో ఇప్పుడు తెలుసుకుందాం..

చిరంజీవి పెళ్లికి ముందుకు ఓ అనుకోని ఘటన జరిగింది. శంకరాభరణం సినిమాలో నటించిన మంజు భార్గవి.. చిరంజీవితో కలిసి కోతలరాయుడు సినిమా చేసింది. ఆ పరిచయంతో మంజు భార్గవి శంకరాభరణం ప్రిమియర్ షోకు చిరంజీవిని రావాలని కోరింది. ఆమె ఆహ్వానం మేరకు అల్లు రామలింగయ్య ఫ్యామిలీతో కలిసి ఈ షోకు వెళ్లారు. ఈ సినిమా క్లైమాక్స్ సీన్ అందరినీ ఎంతో బాధ పెడుతుంది. షోలో ఉన్న వాళ్లంతా కంటతడి పెట్టుకున్నారు. చిరంజీవి కూడా కన్నీళ్లు కార్చాడు. లైట్స్ ఆన్ చేస్తే ఎవరైనా చూస్తారని చిరంజీవి భావించాడు. కన్నీళ్లు తుడుచుకునేందుకు కర్చీఫ్ కోసం వెతికాడు. అయితే దొరకలేదు. పక్కనే ఉన్న మంజు భార్గవి.. తన చీర కొంగు ఇచ్చి తుడుచుకోమని చెప్పింది. సరిగ్గా మంజ చీరకొంగు చిరంజీవి చేతిలో ఉండగా లైట్స్ ఆన్ అయ్యాయి. అప్పుడే ఈ సీన్ చూసింది సురేఖ.

అప్పటికే చిరంజీవి, సురేఖ పెళ్లి ముచ్చట్లు కొనసాగుతున్నాయి. ఈ సమయంలో మంజు భార్గవి చీర కొంగు తన చేతిలలో ఉండటం చూసి తను ఏమనుకుందో అని టెన్షన్ ఫీలయ్యాడు. ఈ సీన్ జరిగిన కొద్ది రోజులకు సురేఖతో తన వివాహం జరిగింది. అయితే శంకరాభరణం సినిమాలో ప్రీమియర్ షోలో తన చేతిలో ఉన్నమంజు భార్గవి చీర కొంగు సురేఖ చూసి ఈ పెళ్లికి ఒప్పుకోదేమో అనుకున్నాడట. కానీ తను ఓకే చెప్పడంతో ఊపిరి పీల్చుకున్నాడట చిరంజీవి. తాజాగా సమంత షోలో చిరంజీవి ఈ విషయాన్ని వెల్లడించాడు.