అన్నపూర్ణ స్టూడియోస్ నిర్మాణం వెనకున్న అసలు కథ ఇదే!

సీనియర్ హీరో అక్కినేని నాగేశ్వరరావు నిర్మించిన అన్నపూర్ణ స్టూడియోలో వందల, వేల సినిమాలు చిత్రీకరించబడ్డాయి. ఇప్పటికీ ఎన్నో సినిమాలు సీరియళ్లు, ప్రోగ్రాములు అన్నపూర్ణ స్టూడియోలో రూపుదిద్దుకుంటూనే ఉంటాయి. అప్పట్లో దక్షిణాది సినిమాలన్నింటికీ కేంద్రబిందువుగా మద్రాసు ప్రెసిడెన్సీ నిలిచేది. సినిమా నిర్మాణానికి సంబంధించిన పరిజ్ఞానం అంతా కూడా మద్రాసులోనే ఉండటంతో తెలుగు, తమిళ, కన్నడ, మలయాళ సినిమాలన్నీ కూడా అక్కడే చిత్రీకరణ జరుపుకునేవి. పొద్దస్తమానం మద్రాసు ట్రావెల్ చేయలేక చాలామంది హీరోహీరోయిన్లు అక్కడే స్థిరపడిపోయారు.

1962 వ సంవత్సర కాలం నుండి హైదరాబాద్ నగరంలో చిన్నాచితకా సినిమాలు నిర్మించడం ప్రారంభించారు. 1970వ సంవత్సరంలో మన దగ్గరి ప్రదేశాల్లోనే ఒక స్టూడియో నిర్మించాలని.. ఇక్కడే సినిమాలు రూపొందించాలనే ఒక ఆలోచన అప్పటి ఏపీ ముఖ్యమంత్రి బెజవాడ గోపాలరెడ్డికి వచ్చింది. 1973వ సంవత్సరంలో జలగం వెంగళరావు చొరవతో హైదరాబాద్ నగరంలో ఒక ప్రదేశాన్ని సినిమా స్టూడియో కోసం కేటాయించడంతో డాక్టర్ అక్కినేని నాగేశ్వరరావు ఆ స్థలాన్ని కొనుగోలు చేసి 75 వ సంవత్సరంలో అన్నపూర్ణ స్టూడియో ని ప్రారంభించారు.

అయితే ఈ స్టూడియో నిర్మాణాన్ని పూర్తి చేయడానికి దాదాపు రెండేళ్ల సమయం పట్టిందట. ఎందుకంటే కేటాయించబడిన స్థలం లో అతి పెద్ద బండ రాళ్ళు వంటివి చాలా ఉండేవట. వాటన్నిటినీ తొలగించి స్థలాన్ని చదును చేయడానికి రెండేళ్ల సమయం పట్టిందట. 22 ఎకరాల స్థలంలో అన్నపూర్ణ స్టూడియోస్ నిర్మాణాన్ని అక్కినేని నాగేశ్వరరావు చాలా శ్రద్ధ తీసుకొని రూపుదిద్దారట.