నోటి దుర్వాసనతో బాధపడుతున్నారా ….చెక్ పెట్టేయండిలా..

కొంతమందికి నోటి నుంచి దుర్వాసన వస్తుంటుంది. ఆ సమయంలో వాళ్ల పక్కన నిల్చుందామన్నా ఉండాలని అనిపించదు. వాళ్లకు చెబుదామంటే.. ఎక్కడ నొచ్చుకుంటారనే బాధతో చెప్పలేం. అయితే అలాంటి వాళ్లు ఏం చేయాలి.. దుర్వాసన రాకుండా ఎలాంటి చిట్కాలు వాడాలో ఇక్కడ తెలుసుకుందాం..

ఉదయం లేవగానే సాధారణంగా పళ్లు తోముకోవడం అనేది అందరూ చేస్తుంటారు. కానీ పళ్లు తోముకున్నా నోటి నుంచి దుర్వాసన అనేది పోని వాళ్లు ముఖ్యంగా నాలుకను టంగ్ క్లీనర్ తో శుభ్రం చేసుకోవాలి. అది ఒక్కపూట కాదు రెండు పూటలు (ఉదయం, రాత్రి) చేయాలి.

అన్నాశయంలోని పూర్తిగా జీర్ణం కాని ఆహారం కొంత కాలం తర్వాత కుళ్లిపోయి దుర్వాసన గల వాయువులను ఏర్పరుస్తుంది. ఇవి నోటినుండి బయటకు వదలబడతాయి. దాంతో నోటి దుర్వాసన వస్తుంది. తిన్న తర్వాత ఆహారం నాలుకపై పేరుకుపోతుంది. ఇది కూడా దుర్వాసనకు కారణం అవుతుంది. గ్రీన్ టీ తాగడం వల్ల కూడా ఆ వాసన నుంచి బయటపడొచ్చు.

కాఫీ, టీలకు బదులు దీనిని భాగం చేసుకోవాలి. కొబ్బరి మరియు కొబ్బరి నూనెలతో ఆరోగ్య ప్రయోజనాలు చాలానే ఉంటాయి. కొబ్బరి నూనెను నోట్లో వేసుకొని నాలుగైదు సార్లు పుక్కిలించడం వల్ల నోటి దుర్వాసనను చెక్ చెట్టేయొచ్చు. ఇక చివరగా క్యారెట్లు, ఆపిల్ వంటి వాటిని రోజూ తినాలి. ఇలా చేయడం వల్ల పళ్లపై ఒత్తిడి పెరిగి వాటిపై పేరుకున్న మలినాలు శుభ్రం అవుతాయి. దీంతో దుర్వాసన లేకుండా ఉంటుంది.