ఎయిర్ పోర్ట్ లో విజయ్ సేతుపతి పై దాడికి అదే కారణమా..?

విజయ్ సేతుపతి ఈ పేరుకు ప్రత్యేకంగా పరిచయం అక్కర్లేదు. ఇతను తమిళ, తెలుగు సినిమాలలో నటించి ఎంతోమంది ప్రేక్షకుల మనసులను దోచుకున్నారు. ఇక ఈయనకు ఉన్న ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన పనిలేదు. ఇతని ఎప్పుడెప్పుడు కలవాలా అని అభిమానులు కుతూహలంగా ఉంటారు. ఇదిలా ఉంటే తాజాగా విజయ్ సేతుపతి పై అనూహ్య రీతిలో దాడి జరిగిన విషయం అందరికి తెలిసిందే.

అందుకు సంబంధించిన వీడియోలు ఫోటోలు సోషల్ మీడియాలో చక్కర్లు కొడుతున్నాయి. విజయ్ సేతుపతి ఎయిర్ పోర్ట్ లో ఒక వ్యక్తి ఎగిరి తన్నడం సంచలనంగా మారింది. అయితే విజయ్ సేతుపతి ఫై దాడికి ప్రయత్నించిన ఆ వ్యక్తి ఎవరు? అందుకు గల కారణం ఏమిటి?అన్న అనుమానాలు వ్యక్తమవుతున్నాయి. విజయ్ సేతుపతిని కాలితో తన్నడం వెనుక ఏదో అసలైన కారణం ఉంది అంటున్నారు కొంతమంది విశ్లేషకులు.

ఇటీవలే కన్నడ పవర్ స్టార్ పునీత్ మరణించిన విషయం అందరికి తెలిసిందే. నదీ జలాల పంపకం విషయంలో కన్నడిగులు, తమిళ ప్రజల మధ్య పెద్ద యుద్ధమే జరిగింది. దీనితో ఆ వివాదాల కారణంగా పునీత్ ను కడసారి చూసేందుకు కానీ, అంత్యక్రియలకు కానీ తమిళ హీరోలు ఎవరూ రాలేదు. తమిళ హీరోలు అలా వెళ్లకపోవడం పై పెద్ద ఎత్తున విమర్శలు కూడా వినిపించాయి.

పునీత్ రాజ్ కుమార్ అభిమానులు అయితే సోషల్ మీడియా వేదికగా తమిళ హీరోలపై ఒక రేంజ్ లో ఆగ్రహం వ్యక్తం చేశారు. ఇక ఈ నేపథ్యంలోనే హీరో విజయ్ సేతుపతి తాజాగా బెంగళూరు ఎయిర్ పోర్ట్ లో కనిపించడంతో, కన్నడిగుడు ఆవేశంతో ఇలా చేసి ఉంటారని అంటున్నారు విశ్లేషకులు. అంతే కానీ కావాలని విజయ్ సేతుపతి పై దాడి చేసి ఉండకపోవచ్చని భావిస్తున్నారు. ఏది ఏమైనప్పటికీ అందరితో కలివిడిగా ఉండే ఈ స్టార్ కి ఇలాంటి చేదు అనుభవం ఎదురు కావడం ఆశ్చర్యానికి గురి చేసింది.