సీనియర్ నటి ‘ప్రభ’ సీరియల్స్ లోకి రావడానికి కారణం ఇదేనా..?

‘కలసి ఉంటే కలదు సుఖం’ సీరియల్ అనేది తెలుగు భాషలో రాబోయే కుటుంబ కథా సీరియల్. ఈ సీరియల్ 20 డిసెంబర్ 2021 నుండి ‘స్టార్ మా’ ఛానెల్‌లో ప్రారంభమవుతుంది. బిగ్ బాస్ 5 ముగిసిన వెంటనే ఈ సీరియల్ ను ప్రసారం చేయనున్నారు.

కలసిఉంటే కలదుసుఖం సీరియల్‌లో సీనియర్ తెలుగు సినీ నటి ‘ప్రభ’ ప్రధాన పాత్రలో చేయనున్నారు. ఇది సోమవారం నుండి శనివారం వరకు రాత్రి 10 గంటలకు ప్రీమియర్ కానుంది . ఇక సీనియర్ నటి ప్రభ గురించి మాట్లాడితే.. వెండితెరపై ఒకప్పుడు మకుటం లేని మహరాణులుగా రాణించినవాళ్లు.. ప్రస్తుతం కొంతమంది సీరియల్స్ లో సెకండ్ ఇన్నింగ్స్ లను మొదలు పెట్టేశారు.

ఇలా బుల్లితెరకు వచ్చి కొన్నాళ్లు ఇక్కడే ఉండి.. మళ్లీ వెండితెరకు వెళ్లిపోయినవాళ్లు ఉన్నారు. ఇలా వెండితెర నుంచి బుల్లితెరకు.. బుల్లితెర నుంచి వెండితెరకు ఇలా మారుతూనే ఉన్నారు. అందులో ముఖ్యంగా సీనియర్ నటి రాశి ఉన్నారు. ఆమె బుల్లితెరలో ప్రసారం అవుతున్న ‘జానకి కలగనలేదు’లో లీడ్ రోల్ చేస్తోంది. దీనిలో ఈమె జ్ఞానాంబ పాత్రకు మంచి పేరు వస్తోంది.

అంతే కాదు శుభలగ్నం సినిమాతో ఎంతో ఫేమ్ తెచ్చుకున్న ఆమని కూడా.. బుల్లితెరపై ముత్యమంత ముద్దు సీరియల్ లో లీడ్ రోల్ చేస్తోంది. ఇలా సీనియర్ నటీమణులు.. వయస్సు మీద పడుతున్న కొద్ది.. బుల్లితెరపైకి వచ్చి.. ఇక్కడ వాళ్ల అదృష్టాన్ని పరీక్షించుకొని ముందుకు సాగుతున్నారు. ఇక త్వరలోనే మన ముందుకు రానున్న ‘కలసి ఉంటే కలదు సుఖం’ సీరియల్ లో నటి ప్రభ ఎంత వరకు విజయవంతం అవుతుందో చూడాలి.