ఇరాన్ మీడియా సంస్థలపై ఇజ్రాయెల్ దాడులు.. భయంతో యాంకర్ పరుగులు !

ఇజ్రాయెల్-ఇరాన్ మధ్య ఉద్రిక్తతలు పెరుగుతున్న నేపథ్యంలో, ఇరాన్‌పై ఇజ్రాయెల్ భీకర దాడులు చేస్తోంది. తాజాగా, ఇరాన్‌లోని ఓ న్యూస్ ఛానెల్ బిల్డింగ్‌పై ఇజ్రాయెల్ మిసైల్ దాడి చేసింది. ఈ దాడి సమయంలో, స్టూడియోలో మహిళా యాంకర్ న్యూస్ చదువుతుండగా, మిస్సైల్ భవనంపై పడటంతో ఆమె భయంతో పరుగులు తీసింది. బిల్డింగ్ కదలడంతో కరెంట్ కట్ అయింది. ఈ దృశ్యం ప్రస్తుతం సోషల్ మీడియాలో వైరల్ అవుతోంది.

ఇజ్రాయెల్, ఇరాన్ మధ్య ఉద్రిక్త పరిస్థితులు కొనసాగుతున్న సంగతి తెలిసిందే. ఇప్పటికే ఇరాన్ అణు స్థావరాలపై ఇజ్రాయెల్ భీకర దాడులు చేసింది. ఈ దాడుల్లో ఇరాన్‌కు చెందిన అణు శాస్త్రవేత్తలు, కీలక సైన్యాధికారులు ప్రాణాలు కోల్పోయారు. రాజధాని టెహ్రాన్‌కు టార్గెట్ చేసిన ఇజ్రాయెల్ యుద్ధ విమానాలు, క్షిపణులతో విరుచుకుపడింది. చమురు శుద్ధి కేంద్రాలు, సహజ వాయువు నిక్షేపాలను కూడా ధ్వంసం చేసింది.

ఇరాన్ అణు ఆయుధాలు తయారు చేసేందుకు పనులు జరుగుతున్నాయని, ఇది తమకు ముప్పుగా భావించే ఇరాన్‌పై దాడులు చేసినట్లు ఇజ్రాయెల్ చెప్పుకొచ్చింది. ఈ దాడులు ఇరాన్‌లోని సైనిక, పౌర ప్రాంతాలను లక్ష్యంగా చేసుకుంటున్నాయి. ఇరాన్ కూడా ఇజ్రాయెల్‌పై ప్రతీకార దాడులకు సిద్ధమవుతోంది. ఈ పరిస్థితులు మధ్యప్రాచ్య ప్రాంతంలో యుద్ధానికి దారితీసే అవకాశం ఉంది.

ఈ పరిస్థితుల్లో, అంతర్జాతీయ సంఘం మధ్యవర్తిత్వం వహించి, ఇరుపక్షాల మధ్య శాంతి ఒప్పందానికి కృషి చేయాల్సి ఉంది. లేకపోతే, ఈ యుద్ధం మధ్యప్రాచ్య ప్రాంతంలోనే కాకుండా, ప్రపంచవ్యాప్తంగా భయంకర పరిణామాలను కలిగిస్తుంది.