Malavika: ఈవీవీ దర్శకత్వంలో శ్రీకాంత్ హీరోగా తెరకెక్కిన చాలా బాగుంది సినిమా ద్వారా అందరికీ సుపరిచితమైన నటి మాళవిక గురించి అందరికీ తెలిసిందే. అయితే ఈమె తెలుగులో చేసింది తక్కువ సినిమాలే అయినా ఈ సినిమా ద్వారా మంచి గుర్తింపు పొందారు. ఇలా తెలుగు తెరకు దూరమైన మాళవిక బుల్లితెరపై ప్రసారమవుతున్న ఆలీతో సరదాగా కార్యక్రమానికి హాజరయ్యారు.
ఈ కార్యక్రమం ద్వారా ఈమె ఎన్నో విషయాలను పంచుకున్నారు.ఈ క్రమంలోనే ఈ కార్యక్రమానికి సంబంధించిన ప్రోమో సోషల్ మీడియాలో వైరల్ గా మారింది. ఈ సందర్భంగా అలీ మాట్లాడుతూ ఈవీవీ గారితో పనిచేయడం ఎలా ఉంది అని ప్రశ్నించారు.ఈ సందర్భంగా మాళవిక మాట్లాడుతూ చాలా బాగుంది అని తెలిపారు.
చాలా బాగుంది సినిమాలో శ్రీకాంత్ తో కలిసి ఒక రొమాంటిక్ సాంగ్ లో చేయడం చాలా ఇబ్బందిగా ఉందని ఆ పాటలో శ్రీకాంత్ మధ్యలోనే వెళ్లిపోయారని చెప్పారు.అదే విధంగా ఈ సినిమాలో రేప్ సీన్ చాలా డిస్టబెన్స్ గా అనిపించింది. ఆ సీన్ నాకు నచ్చలేదు… నెగిటివ్ క్యారెక్టర్ అని చెప్పుకొచ్చారు.
ఆ సినిమా చేసినందుకు బాధపడుతున్నా….
ఈ క్రమంలోనే అలీ ఈ సినిమా చేయక పోయి ఉంటే బాగుండేదని అనిపించిన సినిమాలు ఏవైనా ఉన్నాయా అని అడగగా అందుకు మాళవిక తాను హిందీలో నటించిన సీయూ ఎట్ నైట్ అనే సినిమా చేసినందుకు బాధపడుతున్నానని ఈ సందర్భంగా ఈమె తెలియజేశారు. ప్రస్తుతం ఈ కార్యక్రమానికి సంబంధించిన ప్రోమో వైరల్ గా మారింది.
