Raamam Raaghavam: డైరెక్టర్ గా మారిన మరో జబర్దస్త్ కమెడియన్.. రామం రాఘవం ఫస్ట్ లుక్ పోస్టర్ రిలీజ్?

Raamam Raaghavam: తెలుగు బుల్లితెరపై ప్రసారమవుతున్న జబర్దస్త్ షో గురించి మనందరికీ తెలిసిందే. కొన్ని ఏళ్ల నుంచి సక్సెస్ఫుల్ గా కొనసాగుతూ రెండు తెలుగు రాష్ట్రాల ప్రజలను కడుపుబ్బా నవ్విస్తుంది జబర్దస్త్ షో. ఈ జబర్దస్త్ షో ఎంతో మందికి లైఫ్ ఇచ్చింది అన్న విషయం మనందరికీ తెలిసిందే. చాలామంది ఈ జబర్దస్త్ షో ద్వారా భారీగా పాపులర్ సంపాదించుకోవడంతో పాటు సినిమాలలో అవకాశాలను అందుకుంటూ దూసుకుపోతున్నారు. ఇప్పటికే చాలామంది సినిమాలలో అవకాశాలను అందుకున్న విషయం తెలిసిందే.

జబర్దస్త్ ద్వారా పాపులారిటీ సంపాదించుకున్న కమెడియన్ వేణు ఇటీవల బలగం సినిమాతో డైరెక్టర్ గా గుర్తింపు తెచ్చుకున్న విషయం తెలిసిందే. ఇది ఇలా ఉంటే మరో నటుడు జబర్దస్త్ కమెడియన్ డైరెక్టర్ గా మారారు. అతను మరెవరో కాదు ధనరాజ్. ఇప్పటివరకు ఎన్నో సినిమాలలో కామెడీ పాత్రలో నటించి మెప్పించిన ధనరాజ్ ఇప్పుడు డైరెక్టర్ గా మారారు. గత ఏడాది తాను దర్శకత్వం వహిస్తున్న సినిమాను అనౌన్స్ చేశాడు ధనరాజ్. తాజాగా ఈ మూవీ టైటిల్, ఫస్ట్ లుక్ రిలీజ్ చేశాడు. ఈ మూవీకి రామం రాఘవం అనే టైటిల్ ఖరారు చేసినట్లు తెలిపారు. ఇందులో సముద్రఖని, ధనరాజ్ ప్రధాన పాత్రలు పోషిస్తున్నారు.

టైటిల్ ఫస్ట్ లుక్ రిలీజ్..

వీరిద్దరు ఇందులో తండ్రి కొడుకులుగా కనిపించనున్నారని సమాచారం. ఫాదర్ అండ్ సన్ సెంటిమెంట్ ను సరికొత్తగా వెండితెరపై చూపించనున్నట్లు తెలుస్తోంది. విమానం సినిమా దర్శకుడు శివ ప్రసాద్ యానాల కథను అందించారు. తాజాగా విడుదలైన ఈ సినిమా టైటిల్ ఫస్ట్ లుక్ పోస్టర్ కు ప్రేక్షకుల నుంచి పాజిటివ్ గా స్పందన లభిస్తోంది. కాగా ప్రస్తుతం ఈ మూవీ షూటింగ్ శరవేగంగా జరుపుకుంటుంది. స్లేట్ పెన్సిల్ స్టోరీస్ బ్యానర్ పై ప్రభాకర్ ఆరిపాక సమర్పణలో పృథ్వి పొలవరపు ఈ చిత్రాన్ని నిర్మిస్తున్నారు. ఇందులో మోక్ష, హరీష్ ఉత్తమన్, సత్య పృథ్వి, శ్రీనివాస రెడ్డి కీలకపాత్రలు పోషిస్తున్నారు. ఈ చిత్రానికి అరుణ్ చిలువేరు సంగీతం అందిస్తున్నారు. మరి ఈ సినిమాతో డైరెక్టర్గా పరిచయం కాబోతున్న ధనరాజ్ సక్సెస్ అవుతాడో లేదో చూడాలి మరి.