Jabardasth Varsha: ఇమ్మానుయేల్ తో పెళ్లికి సిద్ధమైన వర్ష… కానీ ఈ కండిషన్లు తప్పనిసరి!

Jabardasth Varsha: జబర్దస్త్ కార్యక్రమం ద్వారా ఎంతో మంది ఎంతో మంచి గుర్తింపు సంపాదించుకున్నారు. ముఖ్యంగా కొన్ని జంటలు ఈ కార్యక్రమం ద్వారా బాగా ఫేమస్ అయ్యాయి. అలాంటి వారిలో సుధీర్ రష్మీ జంట ముందు వరుసలో ఉండగా ఆ తర్వాతి స్థానంలో వర్ష ఇమ్మానియేల్ జంట ఉందని చెప్పాలి.వీరిద్దరూ చూడటానికి బ్లాక్ అండ్ వైట్ కాంబినేషన్లో ఉన్నప్పటికీ ఈ జంటకు విపరీతమైన ఫాలోయింగ్ ఉంది.

ఇక జబర్దస్త్ కార్యక్రమం ద్వారా ఎన్నో స్కిట్ లలో కలిసి సందడి చేసిన వర్ష ఇమ్మానుయేల్ మధ్య ఏదో సంథింగ్ సంథింగ్ ఉందంటూ ప్రేక్షకులు భావిస్తున్నారు. అయితే ఈ విషయంపై ఇప్పటివరకు ఈ జంట క్లారిటీ ఇవ్వలేదు. ఇకపోతే ఈ కార్యక్రమం ద్వారా ఈ జంటకు ఎన్నో సార్లు వేదికపై పెళ్లి చేసిన సందర్భాలు కూడా ఉన్నాయి. ఇదిలా ఉండగా తాజాగా ఎక్స్ట్రా జబర్దస్త్ కార్యక్రమానికి సంబంధించిన ప్రోమో విడుదల చేశారు.

ఈ ప్రోమోలో భాగంగా వర్ష ఇమ్మానుయేల్ తో పెళ్లి గురించి క్లారిటీ ఇచ్చారు. ఈ క్రమంలోనే ఇమ్మానుయేల్ ను పెళ్లి చేసుకోవడానికి తనకు ఎలాంటి అభ్యంతరం లేదని చెప్పినటువంటి వర్ష తనని పెళ్లి చేసుకోవాలంటే కొన్ని కండిషన్లను పాటించాలని వెల్లడించారు. ఇమ్మానుయేల్ పెళ్లి చేసుకోవాలంటే తనకు మంచి బ్యాక్ గ్రౌండ్ ఉండాలని కండిషన్ పెట్టారు.

Jabardasth Varsha: వర్ష ఇమ్మానియేల్ నిజంగానే పెళ్లి చేసుకోబోతున్నారా..

ఈ క్రమంలోనే తనను పెళ్లి చేసుకోవడానికి వర్ష ఒప్పుకున్న సంతోషంలో ఇమ్మానుయేల్ తనకు నాగార్జున, చిరంజీవి పవన్ కళ్యాణ్ వంటి వారందరూ తెలుసని బిల్డప్ ఇచ్చారు.అయితే వారి సమక్షంలోనే పెళ్లి జరగాలని చెప్పగా ఇమ్మానియేల్ వేదికపై ఈ హీరోలకు డూపులను తీసుకురాగా వీరు కూడా వేదికపై పెద్ద ఎత్తున డాన్సులు చేశారు.మొత్తానికి ఈ కార్యక్రమానికి సంబంధించిన ప్రోమో వైరల్ అవుతుంది. అయితే నిజంగానే వీరిద్దరూ పెళ్లి చేసుకోబోతున్నారా లేదంటే ఎపిసోడ్ కోసమే ఇలా పర్ఫార్మన్స్ చేశారా అనేది తెలియాల్సి ఉంది.