Jabardasth Vinod : లంగ్స్ నుండి రెండు లీటర్ల నీళ్లు బయటకు తీశారు… ఆరోగ్యం పాడవడానికి కారణం ఇదే… జబర్దస్త్ వాళ్ళు ఏమి సహాయం చేశారు : జబర్దస్త్ వినోద్

Jabardasth Vinod : జబర్దస్త్ నుండి ఫేమస్ అయిన లేడీ గెటప్ వినోదిని ప్రస్తుతం జబర్దస్త్ లో లేరు. బయటికి వచ్చేసి చాలా రోజులు గడిచింది. ఇక ఇతర ఛానెల్స్ అలానే యూట్యూబ్ లో సొంత ఛానెల్ ద్వారా వ్లాగ్స్ చేస్తూ అలానే పలు ఈవెంట్స్ లో పాల్గొంటూ ప్రేక్షకులకు ఎంటర్టైన్మెంట్ ఇస్తున్నారు. ఇటీవల వినోద్ ఒక ఇంటర్వ్యూలో పాల్గొన్నపుడు గుర్తుపట్టలేని విధంగా చాలా బక్కచిక్కిపోయి కనిపించాడు. లంగ్స్ ఇన్ఫెక్షన్ అయి అలా అయినట్లు ప్రస్తుతం కోలుకుంటున్నట్లు తెలిపిన వినోద్ చికిత్స సమయంలోని పరిస్థితులను వివరించారు.

ఊపిరితిత్తుల్లో నీళ్లు… జబర్దస్త్ వాళ్ళ సాయం…

జంక్ ఫుడ్ ఎక్కువగా తీసుకోవడం, ఎక్కువ ప్రయాణాలు చేయడం, ఏసీ లో ఉండటం కూల్ డ్రింక్స్ ఎక్కువగా తీసుకోవడం వల్ల లంగ్స్ లో ఇన్ఫెక్షన్ మొదలయిందని, దాని వల్ల సడెన్ గా బరువు తగ్గడం మొదలయిందని దీంతో హాస్పిటల్ వెళితే లంగ్స్ ఇన్ఫెక్షన్ అని చెప్పారంటూ వినోద్ తెలిపాడు. లంగ్స్ నుండి దాదాపు రెండు లీటర్ల నీళ్లను ఇంజక్షన్స్ ద్వారా తీశారంటూ తెలిపాడు. అటువంటి సమయంలో తన కుటుంబం బాగా ధైర్యాన్నిచ్చిందంటూ తెలిపాడు వినోద్.

ఇక జబర్దస్త్ వాళ్ళందరూ ఒక కుటుంబంగా భావిస్తారు. మరి వాళ్ళ నుండి ఏదైనా సహాయం లభించిందా అని అడిగినపుడు మొదట ఆరోగ్యం బాలేనపుడు జబర్దస్త్ లో ఉన్న సమయంలో సహాయం చేసారని అపుడు ఆ డబ్బు నాకు చాలా ఉపయోగపడిందంటూ తెలిపాడు వినోద్. లంగ్స్ ఇన్ఫెక్షన్ తో చికిత్స తీసుకుంటున్నపుడు జబర్దస్త్ వాళ్ళు సహాయం చేసారని, అందరూ మాట్లాడారంటూ తెలిపాడు వినోద్. అయితే ఎవరినీ చేయి చాచి సహాయం ఆడగలేదంటూ తెలిపారు.