Kajal Agarwal : కాజల్ అగర్వాల్ ఇక తెర మీద కనిపించదా.. ఆందోళనలో అభిమానులు..!

Kajal Agarwal : కాజల్ అగర్వాల్ 2007 వ సంవత్సరంలో కళ్యాణ్ రామ్ హీరోగా వచ్చిన లక్ష్మి కళ్యాణం సినిమా ద్వారా తెలుగు చలన చిత్ర పరిశ్రమకు పరిచయమయ్యారు. తర్వాత వచ్చిన చందమామ సినిమాతో మంచి పేరు సంపాదించుకుంది. తర్వాత ఎన్నో సూపర్ హిట్ మూవీస్ తన కాథా లో వేసుకొని టాలీవుడ్ టాప్ హీరోయిన్ గా చలామణి అయింది. కాజల్ అగర్వాల్ దాదాపుగా టాలీవుడ్ లో అందరు హీరోలతోనూ నటించింది. అయితే కరోనా లాక్ డౌన్ సమయంలో తన స్నేహితుడు అయిన గౌతమ్ కిచ్లు ని ప్రేమ వివాహం చేసుకుంది.

పెళ్లి అయ్యాక కూడా సినిమాలు కంటిన్యూ చేస్తాను అని చెప్పిన కాజల్ అదే మాటగా పెళ్లయిన తర్వాత కూడా సినిమాలు వెబ్ సిరీస్ ల లో నటించింది. అయితే ప్రెగ్నెన్సీ కారణంగా సినిమాలకు దూరం అయిన కాజల్ అగర్వాల్ తాజాగా పండంటి మగబిడ్డకు జన్మనిచ్చింది. ప్రస్తుతం తన పూర్తి సమయాన్ని కుటుంబానికి తన బిడ్డకు కేటాయిస్తోంది. ఇటీవలే తన పుట్టిన బిడ్డను నీల్ కిచ్లు గా అభిమానులకు పరిచయం చేసింది. అయితే ప్రస్తుతం కాజల్ అగర్వాల్ కు సంబంధించి అభిమానులలో ఒక అనుమానం కలుగుతోంది.

కాజల్ అగర్వాల్ సినిమాలకు దూరం కానుందా…..

ప్రస్తుతం కాజల్ అగర్వాల్ తన బిడ్డ నీల్ కిచ్లు తో మాతృత్వాన్ని ఆనందిస్తోంది.అయితే కాజల్ అగర్వాల్ సినిమాలకు దూరం కాబోతుంది అని సినీ వర్గాలలో టాక్ నడుస్తోంది. ప్రస్తుతం నీల్ కిచ్లు ఇంకా చిన్నవాడు అవ్వడం కారణంగా కాజల్ అగర్వాల్ మెల్లగా సినిమాలకు దూరం కావాలని ఆలోచిస్తోందట. ఈ విషయంలో గౌతం కిచ్లు కూడా కాజల్ నిర్ణయాన్ని సమర్పిస్తున్నట్టు వార్తలు వినిపిస్తున్నాయి. అయితే ఇప్పటికే కాజల్ అగర్వాల్ చెల్లి నిషా అగర్వాల్ పెళ్లి తర్వాత సినిమాలకు దూరమైన సంగతి తెలిసిందే. కాజల్ కూడా ఇదే బాటలో నడుస్తుందా అన్న అనుమానాలు అభిమానులలో మొదలవుతున్నాయి. అయితే కాజల్ సినిమాలో నటించడం పై వస్తున్న ఈ వార్తలపై నిజా నిజాలు తెలియాల్సి ఉంది.