Kalyan Dev: మిస్ అవుతున్న అంటూ కళ్యాణ్ దేవ్ పోస్ట్…. విడాకుల విషయాన్ని పక్కా చెప్పినట్లేనా?

Kalyan Dev: చిరంజీవి చిన్నల్లుడు కళ్యాణ్ దేవ్ గురించి పరిచయం అవసరం లేదు. ఈయన చిరంజీవి చిన్న కుమార్తె శ్రీజను రెండవ వివాహం చేసుకున్నారు. ఇలా కళ్యాణ్ దేవ్ శ్రీజ దంపతుల వైవాహిక జీవితంలో ఎంతో సంతోషంగా ఉంటూ ఒక బిడ్డకు జన్మనిచ్చారు. అయితే పాప పుట్టిన తర్వాత వీరిద్దరి మధ్య వచ్చిన మనస్పర్ధలు కారణంగా విడాకులు తీసుకోబోతున్నారు అంటూ వార్తలు వచ్చాయి.

అయితే శ్రీజ కళ్యాణ్ దేవ్ ఇద్దరు ప్రస్తుతం విడివిడిగా ఉంటున్నారని వీరిద్దరికి విడాకులు అధికారకంగా పూర్తి అయినప్పటికీ మెగా ఫ్యామిలీ మాత్రం ఈ విషయాన్ని తెలియజేయడం లేదని తెలుస్తుంది.అయితే కళ్యాణ్ దేవ్ మాత్రం సోషల్ మీడియా వేదికగా తన కుమార్తెను మిస్ అవుతున్నాను అంటూ పలుమార్లు సోషల్ మీడియా వేదికగా పోస్టులు చేసిన విషయం మనకు తెలిసిందే.

ఇకపోతే కళ్యాణ్ దేవ్ తాజాగా సోషల్ మీడియా వేదికగా ఒక వీడియోను షేర్ చేశారు. ఈ వీడియోలోఒక పాప స్కూల్ కల్చరల్ ప్రోగ్రామ్స్ లో పాల్గొంటూ వేదిక ముందే కూర్చున్నటువంటి తన తల్లిదండ్రులను చూసి చాలా ఎమోషనల్ అవుతుంది. ఇక ఈ వీడియోని కళ్యాణ్ సోషల్ మీడియా వేదికగా షేర్ చేస్తూ తాను కూడా తన పిల్లలని మిస్ అవుతున్నాను అంటూ చెప్పుకొచ్చారు.

Kalyan Dev: తల్లిదండ్రుల ఇద్దరు ప్రేమ కావాలి..

ఈ క్రమంలోనే ఈ వీడియోని షేర్ చేసిన కళ్యాణ్ పిల్లలకు తల్లి తండ్రి ఇద్దరి ప్రేమ కావాలి. నవిష్క నివృత్తిని చాలా మిస్ అవుతున్నాను అంటూ కళ్యాణ్ సోషల్ మీడియా వేదికగా పోస్ట్ చేయడంతో ఇది కాస్త వైరల్ అవుతుంది. అయితే నవిష్క మాత్రమే కళ్యాణ్ దేవ్ కుమార్తె అని నివృతి మాత్రం శ్రీజ మొదటి భర్త కూతురు అయినప్పటికీ తనని కూడా మిస్ అవుతున్నాను అంటూ కళ్యాణ్ దేవ్ పోస్ట్ చేయడం గమనార్హం.