Kalyan Ram: మొదటిసారి చేతిపై ఉన్న టాటూ సీక్రెట్ ఏంటో బయటపెట్టిన కళ్యాణ్ రామ్… ఇంత స్టోరీ ఉందా?

Kalyan Ram: నందమూరి ఫ్యామిలీ నుంచి ఇండస్ట్రీలో హీరోలుగా కొనసాగుతున్నటువంటి వారిలో కళ్యాణ్ రామ్ ఒకరు. ఈయన హీరోగా మాత్రమే కాకుండా నిర్మాతగా కూడా వ్యవహరిస్తున్నారు.అందరి హీరోలు మాదిరిగా కాకుండా కళ్యాణ్ రామ్ తరచూ ప్రయోగాత్మక సినిమాల ద్వారా ప్రేక్షకుల ముందుకు వస్తుంటారు. ఈ క్రమంలోనే గత ఏడాది బింబిసార సినిమా ద్వారా ప్రేక్షకుల ముందుకు వచ్చిన ఈయన ఈసారి అమిగోస్ సినిమా ద్వారా ప్రేక్షకుల ముందుకు రావడానికి సిద్ధమయ్యారు.

ఈ సినిమా ఫిబ్రవరి 10వ తేదీ విడుదల కానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న కళ్యాణ్ రామ్ మొదటి సారి తన చేతిపై ఉన్నటువంటి టాటూ గురించి అసలు విషయం వెల్లడించారు.కళ్యాణ్ రామ్ చేతి పై తన భార్య స్వాతి పేరును టాటూగా వేయించుకున్నారు.

ఇలా తన భార్య పేరును టాటూగా వేయించుకున్న కళ్యాణ్ రామ్ ఆ పేరుని ఎందుకు వేయించుకోవాల్సి వచ్చిందో తెలిపారు. 2007 -8సంవత్సరం టైంలో తన ఆరోగ్యం పూర్తిగా క్షీణించిందని అయితే ఆ సమయంలో తన భార్య దగ్గరుండి తన యోగక్షేమాలను తన అవసరాలను చూసుకుందని తెలిపారు.సాధారణంగా చాలామందికి నర్సులని పెట్టి సేవ చేస్తారు. కానీ తన భార్య తనకు సేవ చేసిందని తెలిపారు. తనని ఒక అమ్మలా ఆదరించిందని తెలిపారు.

Kalyan Ram: సూది అంటే చాలా భయం…

ఇకపోతే తన పదవ వివాహ వార్షికోత్సవం సందర్భంగా స్వాతికి ఏదైనా గిఫ్ట్ ఇవ్వాలనుకున్నాను తనకు ఏం కావాలో అడగమని చెబితే స్వాతి మాత్రం నాకు మీరు మన పిల్లల పెద్ద గిఫ్ట్ అని సమాధానం చెప్పింది. ఆ క్షణం తనపై ఎంతో గౌరవం ప్రేమ కలిగిందని ఆ ప్రేమ ఎప్పటికీ అలాగే ఉండాలన్న ఉద్దేశంతో తన పేరును టాటూగా వేయించుకున్నానని తెలిపారు.నిజానికి తనకు సూదులు అంటే చాలా భయమని కానీ స్వాతి పై ఉన్న ప్రేమతోనే తన పేరును టాటూగా వేయించుకున్నట్లు ఈ సందర్భంగా టాటూ వెనుక ఉన్న సీక్రెట్ బయటపెట్టారు.