Karate Kalyani: ఉద్దేశపూర్వకంగానే నాపై కుట్రలు చేస్తున్నారు… చిన్నారిని దత్తత తీసుకోలేదు: కరాటే కళ్యాణి

Karate Kalyani: కరాటే కళ్యాణి యూట్యూబ్ స్టార్ శ్రీకాంత్ రెడ్డితో పెట్టుకున్న గొడవ చినికి చినికి గాలి వానలా తయారైంది. ఫ్రాంక్ వీడియోలు అంటూ ఈ వివాదం మొదలై చివరికి చిన్నారి దత్తత వరకు దారి తీసింది.ఈ క్రమంలోనే తనతోపాటు ఉన్న చిన్నారి ఎవరు ఏంటి అని అధికారులు ఆరా తీస్తున్నారు.ఈ విధంగా చైల్డ్ వెల్ఫేర్ అధికారులు తన ఇంటిని సోదా చేస్తున్న సమయంలో కరాటే కళ్యాణి అజ్ఞాతంలోకి వెళ్లారు. అయితే అనంతరం మీడియా ఎదుటకు వచ్చిన ఈమె తన లాయర్ తో మీడియా సమావేశంలో మాట్లాడారు.

ఈ సందర్భంగా ఆమె మాట్లాడుతూ తాను ఐదు నెలల చిన్నారిని దత్తత తీసుకున్నాననే విషయంలో ఏ మాత్రం నిజం లేదు కావాలనే కొందరు ఉద్దేశపూర్వకంగా నాపై కుట్రలు చేస్తున్నారని ఆరోపించారు.అయితే గతంలో కరాటే కళ్యాణి ఈ చిన్నారిని దత్తత తీసుకున్నట్లు యూట్యూబ్ ఛానల్స్ లో వెల్లడించారు. ఈ విషయం గురించి కరాటే కళ్యాణి మీడియా సమావేశంలో మాట్లాడారు.

గతంలో తాను యూట్యూబ్ ఛానల్ కు ఇంటర్వ్యూ ఇస్తూ చిన్నారిని దత్తత తీసుకున్నట్లు ప్రకటించిన మాట వాస్తవమే.అలా చెప్పడం వల్ల నన్ను చూసి మరికొందరు ఇన్స్పైర్ అయ్యి ఇలాంటి చిన్నారులను దత్తత తీసుకుంటారనే ఉద్దేశంతోనే అలా చెప్పానని ఈ సందర్భంగా ఆమె తెలియజేశారు. అయితే నేను ఈ చిన్నారిని దత్తత తీసుకో లేదు నాకు కలెక్టర్ల నుంచి కానీ, చైల్డ్ వెల్ఫేర్ అధికారుల నుంచి కాని ఏ విధమైనటువంటి నోటీసులు రాలేదని ఆమె తెలియజేశారు.

పాపను దత్తత తీసుకోలేదు…

ఈ విషయం గురించి కలెక్టర్ ను సంప్రదించి వివరణ ఇచ్చాను. ఇక చిన్నారి తన తల్లిదండ్రులతో పాటు నా దగ్గరే ఉంటుందని, కావాలనే శివశక్తి సమస్థ వాళ్ళు ఇలాంటి ప్రచారం చేస్తున్నారని ఈమె ఆవేదన వ్యక్తం చేశారు. ఈ క్రమంలోనే లాయర్ మాట్లాడుతూ ఈమె దత్తత తీసుకోనపుడు ఇది లీగలా,ఇల్లీగలా అన్న ప్రశ్న ఎక్కడిది. పాపను దత్తత తీసుకోలేదు. కలెక్టర్‌కి ఇదే విషయం వివరించాము. కలెక్టర్ కూడా ఇదే ఈ విషయాన్ని చైల్డ్ వెల్ఫేర్ అధికారులకు వెల్లడించారు. ఇంతటితో ఈ సమస్యకు పులిస్టాప్ పడిందని లాయర్ వెల్లడించారు.