Karthik Varma Dandu: ప్రేక్షకులను భయపెట్టి ఖరీదైన కారు కొట్టేసిన విరూపాక్ష డైరెక్టర్ కార్తీక్ దండు!

Karthik Varma Dandu: విరూపాక్ష సినిమాతో దర్శకుడుగా ఇండస్ట్రీకి పరిచయమైన కార్తీక్ వర్మ గురించి ప్రత్యేకంగా పరిచయం చేయాల్సిన అవసరం లేదు. ప్రముఖ దర్శకుడు సుకుమార్ శిష్యుడైన కార్తీక్ దర్శకత్వంలో సాయి ధరంతేజ్, సంయుక్త మీనన్ జంటగా నటించిన విరూపాక్ష సినిమా ఇటీవల విడుదలై అందరి అంచనాలు తారుమారు చేస్తూ ఘనవిజయం సాధించింది.

తక్కువ బడ్జెట్ తో రూపొందించిన ఈ సినిమా బాక్స్ ఆఫీస్ వద్ద రూ.100 కొల్లగొట్టడమే కాకుండా జోరు కొనసాగిస్తోంది. హర్రర్ ఎంటర్టైనర్ గా తెరకెక్కిన ఈ సినిమా ప్రేక్షకులను భయపెట్టడంలో బాగా సక్సెస్ అయ్యి హిట్ అందుకుంది. ఇదిలా ఉండగా కార్తీక్ దర్శకత్వం వహించిన ఈ సినిమా బ్లాక్ బస్టర్ హిట్ సాధించడంతో నిర్మాతలు ఆయనకు ఒక సర్ప్రైజ్ గిఫ్ట్ అందించారు.

సాధారణంగా సినిమా హిట్ అయ్యి మంచి వసూళ్లు రాబడితే నిర్మాతలు ఆ సినిమా దర్శకులకు ఏదో ఒక ఖరీదైన బహుమతిని అందజేస్తూ ఉంటారు. విరూపాక్ష సినిమా విషయంలో కూడా అదే జరగడం వల్ల ఆ సినిమా నిర్మాతలు దర్శకుడు కార్తీక్ కి ఒక గిఫ్ట్ అందజేశారు. విరూపాక్ష సినిమా బ్లాక్ బస్టర్ హిట్ అయ్యి రూ. 100 కోట్లు వసూళ్లు చేయడంతో దర్శకుడు కార్తీక్ కి నిర్మాతలు ఖరీదైన బెంజ్ కారుని బహుమతిగా అందజేశారు.

Karthik Varma Dandu:70 లక్షల కారును బహుమతిగా అందుకున్న డైరెక్టర్…

ప్రస్తుతం ఆకారుకి సంబంధించిన ఫోటోలు సోషల్ మీడియాలో వైరల్ అవుతున్నాయి. ఈ ఫోటోలను బట్టి చూస్తే నిర్మాతలు బెంజ్ సీ మోడల్ కారుని దర్శకుడికి బహుకరించినట్లు తెలుస్తోంది. దీని విలువ దాదాపు రూ . 60 నుండి రూ. 70 లక్షల వరకు ఉంటుంది. ఏది ఏమైనా ప్రేక్షకులను భయపెట్టడంలో సక్సెస్ అయిన కార్తీక్ కు నిర్మాతలు ఒక ఖరీదైన కారుని బహుమతిగా అందజేశారు.