Archana jois : కేజీఎఫ్ లో తల్లిగా చేసిన అర్చన కు కోలార్ ప్రాంతంతో ఉన్న అనుబంధం ఏమిటో తెలుసా…!

Archana jois : కేజీఎఫ్ 2 సినిమా విడుదలైన రోజునుండి ఇప్పటివరకు వసూళ్లలో ఏ మాత్రమే తగ్గడం లేదు కేజీఎఫ్ 1 సినిమా 2018లో అంచనాలు లేకుండా విడుదలయినా సంచలనం సృష్టించింది. ఇక ఇపుడు 4 ఏళ్ల తర్వాత విడుదలైన కేజీఎఫ్ 2 కేజీఎఫ్ 1 కంటే అధిక వసూళ్లను అందుకుంటూ అందరిని ఆశ్చర్యపరుస్తోంది. రాకింగ్ స్టార్ యష్ హీరోయిజాన్ని దర్శకుడు ప్రశాంత్ నీల్ ఎలివేట్ చేసిన తీరు అన్ని వర్గాల ప్రేక్షకులను ఫిదా చేస్తుంది. ఇక సినిమాలో యష్ పాత్ర ఇంత పవర్ ఫుల్ గా ఉందొ రాకీ భాయ్ కీ తల్లి పాత్రకూడా అంతే పవర్ ఫుల్ గా ఉంటుంది.

సినిమాలో తల్లి కోసం రాకీ భాయ్ కోలార్ గనులను సొంతం చేసుకుంటాడు. అలాంటి తల్లి పాత్ర పోషించిన అర్చన జోయిస్ కు కోలార్ ప్రాంతంతో ఉన్న అనుబంధాన్ని ఇటీవల ఇంటర్వ్యూలో చెప్పింది. ఈ సినిమాతో అర్చన కు బాగా క్రేజ్ వచ్చింది ఏ మొదట కన్నడ సీరియల్స్ లో చేసింది. మహాదేవి అనే సీరియల్ లో నటన చూసి ప్రశాంత్ నీల్ కేజీఎఫ్ ఆఫర్స్ ఇచ్చాడు.

ఇక అర్చన వాళ్ళ అమ్మ సొంతూరు కోలార్ కాగా అర్చన పుట్టింది కోలార్ లోనే.అర్చన జోయిస్ తల్లిదండ్రులు శ్రీనివాసన్, వీణ ఇద్దరూ టీచర్లు. ఇక ఫైన్ ఆర్ట్స్ లో అర్చన పీజీ చేసింది. “మయారావ్ నాట్య ఇన్స్టిట్యూట్ ఆఫ్ కథక్ అండ్ కొరియోగ్రఫీ” విశ్వవిద్యాలయంలో పట్టా పొందింది అర్చన. అయితే డాన్సర్ గా కాకుండా నటీమణిగా ఆమె చిత్ర పరిశ్రమకు పరిచయం అయ్యారు.

ఇక తెలుగు హీరోలంటే కూడా తనకు ఎంతో ఇష్టమని చెప్పుకొచ్చింది అర్చన. బన్నీ,ప్రభాస్,రామ్ చరణ్,ఎన్టీఆర్,నాని వంటి హీరోల సినిమాలు చూస్తానన్నారు. ఆర్ఆర్ఆర్‌లో రామ్ చరణ్ యాక్టింగ్ తనకు నచ్చిందని,ఇక జూనియర్ ఎన్టీఆర్ ఎంతో క్యూట్‌గా ఉన్నాడని చెప్పింది .