సిరివెన్నెల ఆరోగ్యంపై హెల్త్ బులిటెన్ విడుదల చేసిన కిమ్స్ వైద్యులు.. ఇంకా ఐసీయూలోనే సిరివెన్నెల!

ప్రముఖ సినీ గేయ రచయిత సిరివెన్నెల సీతారామశాస్త్రి ఈ నెల 24వ తేదీ తీవ్రమైన అస్వస్థతకు గురి కావడంతో కుటుంబ సభ్యులు అతనిని సికింద్రాబాద్లోని కిమ్స్ ఆస్పత్రికి తరలించి వైద్య చికిత్సలు అందిస్తున్నారు. అతను ఆస్పత్రిలో చేరిన రెండు రోజులకు ఈ విషయాన్ని వెల్లడించడంతో ఒక్కసారిగా సినీ ప్రముఖులు అభిమానులు ఆందోళన వ్యక్తం చేశారు.

ఈ క్రమంలోనే ఆయన ఆరోగ్య పరిస్థితి గురించి అభిమానులు ఆందోళన చెందుతున్న నేపథ్యంలో కిమ్స్ వైద్యులు సోమవారం ఆయన హెల్త్ బులిటెన్ విడుదల చేశారు. ఈ సందర్భంగా కిమ్స్ వైద్యులు మాట్లాడుతూ సిరివెన్నెల సీతారామశాస్త్రి న్యూమోనియాతో బాధపడుతున్నారు. దీంతో ఆయనకు మెరుగైన వైద్య చికిత్సలు అందిస్తున్నట్లు వెల్లడించారు.

ప్రస్తుతం ఆయన ఐసియులోనే ఉన్నారని అతను కోలుకోవడానికి నిత్యం తనను పరిశీలిస్తూ మెరుగైన వైద్య సేవలను అందిస్తున్నట్లు వైద్యులు ఈ సందర్భంగా వెల్లడించారు. ప్రస్తుతం అతని ఆరోగ్య పరిస్థితి కొంత వరకు మాత్రమే కుదుటపడిందని ఎవరు ఆందోళన చెందాల్సిన పని లేదని తెలిపారు.

ఉన్నపళంగా సిరివెన్నెల సీతారామశాస్త్రి ఈ విధంగా ఆసుపత్రి పాలవడంతో ఎంతో మంది అభిమానులు సినీ ప్రముఖులు ఆందోళన వ్యక్తం చేస్తూ అతను క్షేమంగా ఆరోగ్యంగా తిరిగి రావాలని కోరుకుంటున్నారు. ఆదివారం ప్రముఖ కొరియోగ్రాఫర్ శివ శంకర్ మాస్టర్ మృతితో తీవ్ర దిగ్భ్రాంతికి గురైన సినీ పరిశ్రమ ఇప్పుడు సీతారామ శాస్త్రి ఆరోగ్య పరిస్థితి గురించి ఆందోళన వ్యక్తం చేస్తున్నారు.