Konda Surekha : ఎర్రబెల్లి దయాకర్.. చంద్రబాబు దగ్గరకి వెళ్లి మా ఆయన్ని ఎన్ కౌంటర్ చేయించమని అడిగితే చంద్రబాబు ఏమన్నారంటే… : కొండా సురేఖ

Konda Surekha : కొండా దంపతుల జీవిత చరిత్ర ఆధారంగా ఆర్జీవి తీసిన ‘కొండా’ సినిమా గురించి ఆసక్తికర విషయాలను ఆ సినిమా విడుదల తరువాత పలు ఇంటర్వ్యూ ల్లో పంచుకుంటున్నారు కొండా సురేఖ. ఇక సినిమాలో చూపించిన దానికంటే ఎక్కువ సంఘర్షణలు నిజ జీవితంలో తాము ఎదుర్కొన్నట్లు కొండా సురేఖ తెలిపారు. ఇక వారి ప్రేమ పెళ్లి గురించి ఆర్జీవి ఎక్కువ చూపలేదని ఆ విషయంలో కొంత అసంతృప్తి ఉందని వాఖ్యణించారు. ఇక కూతురు సుస్మిత పటేల్ చాలా కష్టాలు పడిందని చిన్న వయసులోనే చాలా చూసిందని అందుకే తాను చాలా గట్టిపడిందని వాఖ్యణించారు సురేఖ.

మురళి ఎన్ కౌంటర్ విషయంలో చంద్రబాబు ఏమన్నారంటే…

ఇక పరకాలలో కొండా కు ప్రత్యర్థి, అంటే ఎర్రబెల్లి దయాకర్ రావు మధ్య వర్గ విభేదాలు ఉండేవి. ఇక రాజకీయంగా కూడా వైరం ఉంది ఈ ఇరువర్గాల నడుమ. ఇక కొండా మురళిని టీడీపీ హయాంలో ఎర్రబెల్లి దయాకర్ రావు చాలా వేధించారంటూ సురేఖ చెప్పారు. ఒకానొక సందర్భంలో కొండా మురళిని ఎదుర్కొనడం కోసం ఎన్ కౌంటర్ చేయించమని చంద్రబాబు నాయుడు గారిని అడిగాడట. అయితే చంద్రబాబు నాయుడు దయాకర్ రావును మందలించారట. అలా ఎలా ఎన్ కౌంటర్ చేస్తారు, రాజకీయంగా సురేఖ ఎమ్మెల్యే గా ఉన్నారు, అందరికీ ఏం సమాధానం చెబుతాము, ఇలాంటి ఆలోచన వద్దు అంటూ హెచ్చరించారట.

అలా మురళి గారికి బాగా అపాయం ఉండేదని చంపాలి అని చాలా సార్లు మా బండి వెనుక రావడం, రెక్కి నిర్వహించడం జరిగాయాని, ఇంకా రాజకీయంగా అంత ప్రాబల్యం లేని సమయంలో ఎర్రబెల్లి బాగా వేధించారని ఇప్పుడు కూడా రాజకీయంగా మా ఎదుగుదలను ఓర్వలేక మొన్న కొండా సినిమా వేడుకకు రావాల్సిన రేవంత్ రెడ్డి ని రాకుండా అడ్డుకున్నాడని చెప్పారు కొండా సురేఖ.