నలభై ఏళ్లుగా కమ్మవారి ఫుడ్ తిన్నాను.. అందుకే మంచు విష్ణుకి ఓటు వేశాను : కోట శ్రీనివాసరావు

సినిమా ఇండస్ట్రీలో గత 4 దశాబ్దాల కాలం నుంచి ఒక విలక్షణ నటుడిగా, కమెడియన్ గా,ఎంతో మంచి గుర్తింపు సంపాదించుకున్న కోట శ్రీనివాసరావు గత కొద్ది రోజుల నుంచి పలు ఇంటర్వ్యూల ద్వారా సంచలన వ్యాఖ్యలు చేస్తూ వార్తల్లో నిలుస్తున్నారు.ఇక మా ఎన్నికలలో భాగంగా కోట శ్రీనివాసరావు ప్రకాష్ రాజ్ ప్యానల్ పై పలు ఆరోపణలు చేశారు. ఈ క్రమంలోనే ప్రకాష్ రాజ్ ను ఉద్దేశించి అతడికి క్రమశిక్షణ లేదు షూటింగ్ లకు సరిగ్గా రారు. అలాంటిది మా బాధ్యతలను సక్రమంగా ఎలా నిర్వర్తిస్తారు అని అతనిపై ఆరోపణలు చేశారు.

కోట శ్రీనివాస్ రావు చేసిన ఈ వ్యాఖ్యలపై మెగా బ్రదర్ నాగబాబు స్పందిస్తూ కోట శ్రీనివాస్ రావు గురించి పలు సంచలన వ్యాఖ్యలు చేశారు. అసలు కోటాకి మనిషి లక్షణాలు లేవని అతడు ఒక జంతువని.. రేపు మా పో పోయి నీకు ఇలాంటి మాటలు ఎందుకు అంటూ అతని వయసు కూడా గౌరవం లేకుండా నాగబాబు చేసిన వ్యాఖ్యలు తీవ్ర దుమారం రేపాయి.

ఎన్నికల అనంతరం కోట శ్రీనివాసరావు మాట్లాడుతూ నాగబాబు చేసిన వ్యాఖ్యలకు తనదైన శైలిలో కౌంటర్ ఇచ్చారు. అసలు చిరంజీవి పవన్ కళ్యాణ్ లేకపోతే నాగబాబు ఎవరు? నాగబాబు చెప్పుకోదగ్గ నటుడు ఏమి కాదు.మా లో నాగబాబు ఉన్నా కానీ ఒరిగేది ఏమీ లేదు. అసలు ప్రకాష్ రాజ్ ఓడిపోవడానికి ప్రధాన కారణం నువ్వే అంటూ తనదైన శైలిలో కోటా ఆరోపణలు చేశారు.

మా బాధ్యతలను చూసుకోవడానికి దాసరి తర్వాత చిరంజీవి, మోహన్ బాబు, మురళీమోహన్ కూడా ఉన్నారని ఈ సందర్భంగా ఆయన పేర్కొన్నారు. మోహన్ బాబు కోపిష్టి కానీ అతను చాలా మంచివాడని మాటమాత్రం కర్కశంగా ఉంటుందని, తాను ఒక సామాజికవర్గాన్ని ఎంతో గౌరవిస్తానని చెప్పారు. గత నలభై సంవత్సరాలుగా నూటికి 95శాతం కమ్మవారి భోజనం చేస్తున్నానని, మిగిలిన 5 శాతం రాజులు, రెడ్డిలు మొదలగు వారు పెంచి పోషించారు. 95శాతం నేను తినేది కమ్మవారి ఫుడ్ అని ఓపెన్ గా చెబుతున్నాను. ఆ విశ్వాసంతోనే మంచు విష్ణు ఓటు వేశానని అని ఈ సందర్భంగా కోట శ్రీనివాసరావు తెలియజేశారు.