L. B. Sriram : మా అమ్మాయి అప్పగింతలు… చిరంజీవి చెల్లెలు అప్పగింతలు మర్చిపోలేనివి : ఎల్బి శ్రీరామ్

L. B. Sriram : కమెడియన్ గా అందరికీ బాగా తెలిసిన ఎల్బి శ్రీరామ్ గారు మంచి హాస్యానటుడే కాదు గొప్ప రైటర్ కూడా. ఆయన డైలాగు రైటర్ గా సినిమాలకు పనిచేసారు. విభిన్నమైన డైలాగు డెలివరీతో తనకంటూ గుర్తింపు తెచ్చుకున్న శ్రీరామ్ గారు ప్రస్తుతం సినిమాలకు దూరంగా ఉంటూ ఆయన లైఫ్ ఈజ్ బ్యూటిఫుల్ అనే బ్యానర్ మీద షార్ట్ ఫిలిమ్స్ ను తీస్తున్నారు. సినిమాల్లో ఇస్తున్న మూస పాత్రలను చేయడం ఇష్టం లేక వాటి నుండి తప్పుకున్నాను అంటూ శ్రీరామ్ చెప్పారు. ప్రైవేట్ బ్యాంకులో పనిచేస్తూ సినిమాల్లో అవకాశాల కోసం కష్టపడిన ఎల్బి శ్రీరామ్ గారు ప్రస్తుతం ‘కవి సామ్రాట్’ అనే షార్ట్ ఫిల్మ్ ను ఆహా ఒరిజినల్స్ లో చేశారు. ఇక నిజజీవితంలో ఆయన కూతురు అప్పగింతల సందర్బం మర్చిపోలేనని, చాలా ఏడ్చేసానని చెప్పారు.

ఆ సినిమాలో డైలాగులు ఎప్పటికీ మర్చిపోలేను…

శ్రీరామ్ గారు కూతురు గురించి మాట్లాడుతూ ఎమోషనల్ అయ్యారు. చదువుకునే సమయంలో కూడా స్కూల్ దగ్గర ఉంటే మేలు అనే ఉద్దేశంతో ఉద్యోగం స్కూల్ దగ్గరగా ఉండే ఏరియా కు బదిలీ చేయించుకునేవారట. ఇక కూతురు దగ్గరగా ఉండాలని హైదరాబాద్ సంబంధం చూసి చేశారట. అయితే పక్క వీధిలోనే తను ఉంటుంది, పొద్దున లేస్తే కూతురును చూసి రావొచ్చని తెలిసినా అప్పగింతలపుడు చాలా ఏడుపొచ్చింది ఎవరైనా చూస్తే ఓవర్ యాక్షన్ అంటారని భయమేసింది. చాటుకు వెళ్లి ఎవరూ లేని చోటా ఏడ్చేసాను ఆ సంఘటన మర్చిపోలేను అంటూ చెప్పారు. ఇక అలాంటి సంఘటన ‘హిట్లర్’ సినిమా సమయంలో బాగా గుర్తుండిపోయింది.

ఆ సినిమాలో పెద్ద చెల్లెలు పెళ్లి చేసి పంపే సమయంలో అన్నగా చిరంజీవి అప్పగింతల సమయంలో వచ్చే ఎమోషనల్ సీన్ రచయితగా చాలా ఇష్టం. హీరో ఎక్కువ మాట్లాడడు సినిమాలో అందుకే అప్పగింతల సమయంలో ఎక్కువ మాట్లాడితే బాగోదు అందువల్ల చెల్లితో ఎక్కువ మాటాడించి చివర్లో అన్నగా కలెక్టర్ ను ఇచ్చి పెళ్లి చేస్తానని చెప్పి పరిస్థితుల వల్ల రెండో పెళ్లి వాడికి ఇచ్చి పెళ్లి చేయాల్సి వచ్చినందుకు హీరో చెప్పే పవర్ ఫుల్ డైలాగు రెండు లైన్స్ అయినా ఆకట్టుకుంటుంది. ఆ సీన్ డైలాగులు హీరో కి డైరెక్టర్ కు నచ్చుతాయో లేదో అనుకున్నాను కానీ చిరంజీవి గారు షూటింగ్ లో ఆరోజంతా నన్ను పొగిడారట, చాలా ఆనందంగా అనిపించింది. ఈ రెండు సంఘటనలు జీవితంలో మరువలేను అంటూ ఎల్బిశ్రీరామ్ చెప్పారు.