M.M. Sreelekha : రాజమౌళి నా సొంత అన్నయ్యే కానీ అయినా ఆ ఒక్క విషయంలో మాత్రం ఆయన ఎవరో నేను ఎవరో… రాజమౌళి డైరెక్టర్ అయ్యాక చాలా మారిపోయాడు…: ఎంఎం శ్రీలేఖ

M.M. Sreelekha : తెలుగు ఇండస్ట్రీలో మ్యూజిక్ డైరెక్టర్ గా మంచి చిత్రాలకు చేసి పేరు తెచ్చుకున్న ఎంఎం శ్రీలేఖ ఈ మధ్య సినిమాలకు సంగీతం అందించడం లేదు అలాగే సింగర్ గా కూడా బాగా ఫేమస్ అయిన శ్రీలేఖ ప్రస్తుతం చాలా గ్యాప్ తీసుకున్నారు. అయితే మళ్ళీ ఒక మంచి ప్రాజెక్ట్ తో రే ఎంట్రీ ఇస్తున్నట్లు సినిమా వివరాలు చెప్పకూడదని చెప్పడం లేదని తాజా ఇంటర్వ్యూల్లో తెలిపారు. ఇక రాజమౌళి, కీరవాణి అన్నయ్యలు అయినా ప్రస్తుతం వారి సినిమాల్లో ఎందుకు పని చేయలేదో వివరించారు.

కుటుంబం కలిసే ఉన్నా… ప్రొఫెషనల్ గా వేరు…

రామానాయుడు గారి ప్రొడక్షన్ లో వచ్చిన సినిమాలకు ఎక్కువగా మ్యూజిక్ ఇచ్చిన శ్రీలేఖ ఎందుకని తన సోదరులతో కలిసి ఇప్పుడు పనిచేయడం లేదని విషయానికి క్లారిటీ ఇచ్చారు. రాజమౌళి చాలా ఫ్రెండ్లి గా ఉంటాడని ఎపుడూ చాక్లేట్స్ ఇస్తూ ఉంటాడని, తన మొదటి సీరియల్ శాంతినివాసంకి నేనే మ్యూజిక్ చేసానని చెప్పారు. ఇంక తాను సినిమాల్లో బిజీ అయ్యాక ట్రాక్ చేంజ్ అయిందని, అలా మార్పు వచ్చిందని ప్రొఫెషనల్గా ఎవరికీ వారే అన్నట్లు ఉంటాము.

కానీ వ్యక్తిగతంగా ఇప్పటికీ కలుస్తాము, పండగలకు కలిస్తే చాలా సందడిగా ఉంటుంది అంటూ చెప్పారు. ఇక తన అన్నదమ్ముల సహాయం, రిఫరెన్స్ ఎప్పుడూ సినిమాల్లో అవకాశాల కోసం తీసుకోలేదని, నా సొంతంగా నేను కెరీర్ లో వెళ్లానని చెప్పారు. తాజాగా ఒక సినిమా చేస్తున్నట్లు చెప్పిన శ్రీలేఖ అది ఖచ్చితంగా మంచి కమ్ బ్యాక్ అవుతుందని వివరించారు.