Maanas Nagulapalli : మారుతి పిలిచి అవకాశం ఇస్తే వద్దనుకున్నాను తప్పు నాదే… మహేష్, బాలయ్య బాబు పరిచయాల్ని వాడుకోలేదు : మానస్ నాగులపల్లి

Maanas Nagulapalli : మా టీవీ లో వచ్చే ‘కోయిలమ్మ’ సీరియల్ ద్వారా తెలుగు ప్రేక్షకుల వద్ధ గుర్తింపు తెచ్చుకున్న మానస్ ఆ తరువాత బిగ్ బాస్ సీజన్ 5 ద్వారా మంచి ఫాలోయింగ్ తెచ్చుకున్నాడు. టాప్ 5 కంటెస్టెంట్ గా నిలిచిన మానస్ ఇటీవలే ఒక ప్రైవేట్ పాటతో మరోసారి వైరల్ అయ్యాడు. మానస్ సొంతూరు వైజాగ్ కానీ పెరిగింది, చదువుకుంది హైదరాబాద్ లో. ఇక చిన్నప్పుడే చైల్డ్ ఆర్టిస్ట్ గా సినిమాల్లో నటించిన మానస్ ఆ తరువాత హీరోగా పలు సినిమాల్లో నటించాడు కానీ సీరియల్ ద్వారానే మంచి గుర్తింపు తెచ్చుకున్నాడు.

మారుతీ ఈ రోజుల్లో ఆఫర్ నేనే వదులుకున్నా…

నరసింహా నాయుడు, అర్జున్ వంటి సినిమాల్లో చైల్డ్ ఆర్టిస్ట్ గా నటించిన మానస్ నంది అవార్డు కూడా అందుకున్నాడు. ఇక ఇంజనీరింగ్ చదువుతున్న సమయంలోనే డైరెక్టర్ మారుతీ తన సినిమాలో హీరోగా చేయమని అడిగితే ఆ ఆఫర్ వదులుకున్నానని మానస్ ఇటీవల ఇంటర్వ్యూలో తెలిపారు. మొదటి సారిగా మారుతీ 5 డి టెక్నాలజీ సహాయంతో సినిమా చేయబోతున్నట్లు చెబితే ఇది ఎలా వర్క్ అవుట్ అవుతుంది అనుకుని అలోచించి వద్దనుకున్నా కానీ ‘ఈరోజుల్లో’ సినిమా పెద్ద హిట్ అయింది. అప్పట్లో ఒక బెంచ్ మార్క్ సినిమా గా మారింది. అప్పుడు తప్పు నాదే పరిణితి లేని వయసులో డెసిషన్, అది సినిమా వాళ్ళు ఎలా తీస్తారు, ఏ ఫార్మాట్ లో తీస్తారు అన్నవి ఎందుకు ఆలోచించాను అనిపించింది.

కానీ మళ్ళీ ‘ఒక రొమాంటిక్ క్రైమ్ కథ’ సినిమాలో ఆఫర్ కూడా అలాగే వదులుకున్నా. ఇక ఇండస్ట్రీలో బాలకృష్ణ, మహేష్ బాబు తో చైల్డ్ ఆర్టిస్ట్ గా పనిచేసాను కాబట్టి వాళ్లను కలవాలి నా కెరీర్ కి ఉపయోగ పడుతుందని ఎపుడూ అనుకోలేదు, అవకాశం ఉన్నా అలా చేయలేదు. ఇక బి గోపాల్ గారు పరిచయమున్నా అలా కలిసి సినిమా అవకాశాలు అడగలేదు. వచ్చిన ఆఫర్స్ చేసుకుపోవడమే కానీ ఒకరిని కలిసి పరిచయాలు పెంచుకోవాలనే ఆలోచన ఎపుడూ లేదు అంటూ చెప్పాడు మానస్ నాగులపల్లి.