Madhu Sivabalaji: యూట్యూబ్ నుండి ఎన్ని లక్షలు వస్తున్నాయంటే… ఆస్తులన్నీ అమ్మేయడానికి కారణం అదే… రోడ్డు మీదకి వచ్చేసాం… అప్పుడు ఏడ్చడానికి కారణం..: మధుమిత శివబాలాజీ

Madhu Sivabalaji : ‘ఇది మా అశోక్ గాడి లవ్ స్టోరీ’ సినిమాతో తెలుగు ఇండస్ట్రీలోకి అడుగుపెట్టిన శివ బాలాజీ ఆ తరువాత ఎలా చెప్పను, దోస్త్ సినిమాల్లో నటించారు. అయితే శివ బాలాజీ కి మంచి పేరు తెచ్చిన సినిమా మాత్రం ‘ఆర్య’. బన్నీ నటించిన ఆర్య సినిమాల్లో విలన్ షేడ్ ఉన్న పాత్రలో అజయ్ గా మంచి గుర్తింపు తెచ్చుకున్నాడు. ఇక ఆ తరువాత సంక్రాంతి సినిమాతో మరో మంచి హిట్ అందుకున్న శివ బాలాజీ తన 17 ఏళ్ళ వయసులోనే తండ్రి వ్యాపారాలను చూసుకుంటూ 22 ఏళ్లకే సొంత వ్యాపార సంస్థలను పెట్టాడు. ఇక సినిమాల మీద ఆసక్తితి ఇండస్ట్రీ వైపు వచ్చిన శివ బాలాజీ నటి మధుమితను ప్రేమించి పెళ్లి చేసుకున్నారు. ఇక వారి లవ్ స్టోరీ, వైవాహిక జీవితం గురించిన ముచ్చట్లను తాజాగా ఒక ఇంటర్వ్యూలో మధు శివబాలాజీ పంచుకున్నారు.

వ్యాపారంలో నష్టం… యూట్యూబ్ నుండి ఎంత…

చిన్నావయసులోనే వ్యాపారంలో అడుగుపెట్టిన శివ బాలాజీ, తన తండ్రి వ్యాపారం చూసుకుంటూ ఆ తరువాత సొంత వ్యాపారం చేస్తూ సినిమాల మీద ఇంట్రస్ట్ తో సినిమాల్లోకి వచ్చారు. అయితే తండ్రి మరణించాక తన తండ్రికి సంబంధించిన ఫ్యాక్టరీ నష్టాల్లో ఉండటం వల్ల ఆస్తులన్నీ అమ్మేసి సెటిల్ చేసి చెన్నయ్ నుండి హైదరాబాద్ వచ్చేసారట బాలాజీ. అయితే పెళ్లయ్యాక సినిమాలే కాకుండా సొంత వ్యాపారం మళ్ళీ మొదలు పెట్టినా అది సక్సెస్ కాలేదు దీంతో బాగా నష్టపోయారు.

ఇక దాని తరువాత సొంతంగా సినిమా తీసి మరోసారి బాగా నష్టపోవడంతో ఇబ్బంది పడ్డారట. లోలోపలే కుమిలి పోయాను అంటూ బాలాజీ ఇటీవల ఇంటర్వ్యూలో తెలిపారు. ఇక మధుమిత తమ కుటుంబానికి సంబంధిచిన వీడియోలను పేస్ బుక్ మాద్యమం ద్వారా ప్రేక్షకులకు అందిస్తుండగా చాలా మంది యూట్యూబ్ లో అప్లోడ్ చేయమని అడగడంతో మొదలు పెట్టగా మంచి వ్యూస్, లైక్స్ తో చాలా తక్కువ సమయంలో ఎక్కువమంది సబ్స్క్రయిబర్స్ వచ్చారట ఛానెల్ కి. యూట్యూబ్ లో పెట్టే కంటెంట్ ని బట్టి చూసేవాళ్ళు అభిమానించేవాళ్ళు పెరుగతారని అలానే డబ్బు వస్తుందంటూ మధు తెలిపారు.