Mahesh Babu : నాకు బాగా దగ్గరైన వాళ్ళు దూరమయ్యారు ఎమోషనల్ అయిన మహేష్ బాబు

Mahesh Babu emotional words : పరుశురామ్ దర్శకత్వం లో మహేష్ బాబు హీరో గా కీర్తి సురేష్ హీరోయిన్ గా వస్తున్న సినిమా సర్కారు వారి పాట. ఈ సినిమా మే 12 న ప్రేక్షకుల ముందుకు రాబోతున్న సందర్భం లో ప్రీ రిలీజ్ ఈవెంట్ ను ఘనంగా నిర్వహించారు. అయితే ఈ రిలీజ్ వేడుకలో హీరో మహేష్ బాబు ఆసక్తికరంగా మాట్లాడారు. అభిమానుల గురించి మాట్లాడుతూ ఎమోషనల్ అయ్యారు.

ప్రీ రిలీజ్ వేడుకలో ఎమోషనల్ అయిన మహేష్ బాబు….

సర్కారు వారి పాట సినిమా ప్రీ రిలీజ్ వేడుకలో మహేష్ బాబు ఇలా మాట్లాడారు…. సర్కారు వారి పాట సినిమా నేను ఒప్పుకున్నాక పరశురామ్ తన ఇంటికి వెళ్లి నాకు ఈ సినిమా ఇరగదీసేస్తాను అని మెసేజ్ చేశారు. ఈ సినిమా నిజంగానే ఇరగదీసినందుకు పరశురామ్‌కి థ్యాంక్స్. మీరు నాన్న అభిమానులకు, నా అభిమానులకు ఫేవరెట్ డైరెక్టర్ అవుతారు. ఇంకా ఈ సినిమాలో చాలా హైలెట్స్ ఉన్నాయి. హీరో, హీరోయిన్ మధ్య జరిగే సన్నివేశాలు నా ఫేవరెట్ ట్రాక్. దీని కోసం ఖచ్చితంగా రిపీట్ ఆడియన్స్ వస్తారు. ఈ సినిమాలో కీర్తి సురేష్ క్యారెక్టరైజేషన్, నటన రెండు చాలా కొత్తగా ఉంటాయి. గత రెండేళ్లలో ఎన్నిసార్లు షూటింగ్ కోసం డేట్లు అడిగినా తను ఇచ్చింది. తనకు కూడా థ్యాంక్స్. థమన్ నాకు సోదరుడితో సమానం. ఎందుకో తెలీదు కానీ నాకు, థమన్‌కి చాలా గ్యాప్ వచ్చింది. కానీ ఈ సినిమాతో చాలా హ్యాపీ గా వున్నాను. కళావతి ఎంత హిట్ అయిందో, ఎన్ని రికార్డ్స్ క్రియేట్ చేసిందో అందరికీ తెలుసు. దీని కి సంబందించిన పూర్తి క్రెడిట్ థమన్‌కే చెందుతుంది కాబట్టి థమన్ కి థ్యాంక్స్ చెప్పారు మహేష్.

తరువాత ఫైట్ మాస్టర్స్ రామ్, లక్ష్మణ్ లకు కృతజ్ఞతలు తెలిపారు తర్వాత డాన్స్ మాస్టర్ అయినా శేఖర్ మాస్టర్ కూ, ఇలా పేరుపేరునా అందరికీ కృతజ్ఞతలు తెలియజేశారు. మైత్రి మూవీ మేకర్స్ నిర్మాణ సంస్థలో వచ్చిన ఈ సినిమా ఖచ్చితంగా బ్లాక్బస్టర్ అవుతుందని తెలియజేస్తూ, ఈ రెండేళ్లలో నాకు చాలా దగ్గరైన వ్యక్తులకు దూరమయ్యాను… కానీ మీ అభిమానం మాత్రం తగ్గలేదు అంటూ అభిమానులను ఉద్దేశించి ఎమోషనల్ అయ్యారు.