Mahesh Babu: మరోసారి మంచి మనసు చాటుకున్న మహేష్… అభిమాని పిల్లలకు అండగా?

Mahesh Babu: టాలీవుడ్ సూపర్ స్టార్ మహేష్ బాబు గురించి ప్రత్యేకంగా చెప్పాల్సిన పనిలేదు ఇండస్ట్రీలో స్టార్ హీరోగా కొనసాగుతూ ఎంతో బిజీగా ఉన్నటువంటి ఈయన మరోవైపు ఎన్నో రకాల వ్యాపారాలను కూడా చేస్తూ భారీ స్థాయిలో డబ్బు సంపాదిస్తున్నారు. ఇక మహేష్ బాబు సంపాదనలో కొంత భాగం పేద ప్రజల కోసం ఖర్చు చేస్తున్న విషయం మనకు తెలిసిందే.

ఇప్పటికే మహేష్ బాబు తన తండ్రి సొంత ఊరు అయిన బుర్రెపాలెం దత్తత తీసుకొని ఆ గ్రామంలో మౌలిక వసతులను ఏర్పాటు చేస్తూ వచ్చారు. అంతేకాకుండా మహేష్ బాబు ఫౌండేషన్ ద్వారా ఎంతోమంది చిన్నారులకు గుండె ఆపరేషన్లు చేసే పునర్జన్మ కల్పిస్తున్నారు.

ఇలా ఇప్పటికే మహేష్ బాబు తన పౌండేషన్ ద్వారా ఎంతో మందికి అండగా నిలిచి తన మంచి మనసు చాటుకున్నారు. అయితే తాజాగా తన వీరాభిమాని పిల్లలకు కూడా అండగా నిలిచి మరోసారి గొప్ప మనసు చాటుకున్నారు. మోపిదేవి పెదప్రోలులో కాకర్లపూడి రాజేష్ అని వ్యక్తి సూపర్ స్టార్ మహేష్ బాబుకి వీరాభిమాని. ఈయనకు ముగ్గురు కుమారులు ఉన్నారు. అయితే ఈ ముగ్గురికి మహేష్ బాబు సినిమా పేర్లు అయిన అర్జున్, అతిథి, ఆగడు అనే పేర్లు పెట్టి తన అభిమానాన్ని చాటుకున్నారు.

మహేష్ సినిమా పేర్లే..
ఇకపోతే రాజేష్ ఇటీవల కాలంలో కిడ్నీ ఫెయిల్యూర్ సమస్యతో బాధపడుతూ ఉన్నారు. దీనికి తన పిల్లలు చదువుకోలేక ఇతర పనులకు వెళ్లాల్సి వచ్చింది ఈ క్రమంలోనే ఈ విషయాన్ని మహేష్ బాబు అభిమానులు ఆయన దృష్టికి తీసుకు వెళ్లడంతో మహేష్ బాబు ఫౌండేషన్ టీం రాజేష్ ఇంటికి చేరుకొని ఆ పిల్లల చదువు బాధ్యతలను తీసుకొని వారిని చదివిస్తున్నారు. ఈ విషయం తెలిసి మహేష్ ఫ్యాన్స్ ఎంతో సంతోషం వ్యక్తం చేస్తున్నారు.