Mahesh Babu: మీరు గర్వపడేలా చేస్తా నాన్న.. తండ్రి గురించి ఎమోషనల్ పోస్ట్ షేర్ చేసిన మహేష్ బాబు!

Mahesh Babu: సూపర్ స్టార్ మహేష్ బాబు ప్రస్తుతం తల్లిదండ్రుని కోల్పోయి ఎంతో బాధలో ఉన్నారు. తల్లి మరణించిన కొన్ని రోజులకే తండ్రి కూడా మరణించడంతో మహేష్ బాధ వర్ణాతీతం అని చెప్పాలి. ఇలా మహేష్ బాబు తండ్రి సూపర్ స్టార్ కృష్ణ మరణించి పది రోజులు కావస్తుంది ఇప్పటికే మహేష్ కుటుంబ సభ్యులు తన తండ్రి మరణం నుంచి కోలుకోలేకపోతున్నారు.

మహేష్ బాబు కొడుకుగా తండ్రి కృష్ణ గారి అంత్యక్రియలతో పాటు ఆయనకు చేయాల్సిన కార్యక్రమాలన్నింటిని కూడా పూర్తి చేశారు. ప్రస్తుతం మహేష్ బాబు తన సినిమా షూటింగుకు విరామం ప్రకటించి తన తండ్రి కార్యక్రమాలన్నింటినీ పూర్తి చేస్తున్నారు. ఇకపోతే కృష్ణ గారు మరణించిన పది రోజులకు మహేష్ బాబు సోషల్ మీడియా వేదికగా స్పందించారు.

ఈ క్రమంలోనే మహేష్ బాబు తన తండ్రిని తలుచుకుంటూ మొదటిసారి తండ్రి మరణం తర్వాత సోషల్ మీడియాలో ఎమోషనల్ పోస్ట్ షేర్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.మహేష్ బాబు సోషల్ మీడియా వేదికగా తన తండ్రి ఫోటోని షేర్ చేస్తూ మీరు మీ జీవితంలో ఎంతో సంతోషంగా ధైర్యంగా గడిపారు. ధైర్యం, సాహసం మీ వ్యక్తిత్వం.

Mahesh Babu: వారసత్వాన్ని కొనసాగిస్తా…

ఈ విధంగా మీ నుంచి నాకు స్ఫూర్తి కలిగిన విషయాలన్నీ కూడా మీతోనే వెళ్లిపోయాయి. ఇకపై నాలో ఎలాంటి భయం ఉండదు. ముందు కన్నా ఇప్పుడు నాలో మరింత బలం చేరింది. మీ కాంతి ఎల్లప్పుడు నాలో ప్రసరిస్తుంటుంది…మీ వారసత్వాన్ని ఇలాగే కొనసాగిస్తూ మీరు మరింత గర్వపడేలా చేస్తా నాన్న.. ఐ మిస్ యు.. ఐ లవ్ యు సో మచ్ అంటూ హార్ట్ సింబల్స్ షేర్ చేస్తూ మహేష్ బాబు ఎమోషనల్ పోస్ట్ చేశారు. ప్రస్తుతం ఈ పోస్ట్ వైరల్ అవుతుంది.