Malavika Sreenath: గదిలోకి పిలిచి కాంప్రమైజ్ అవ్వమన్నారు… క్యాస్టింగ్ కౌచ్ పై నటి షాకింగ్ కామెంట్స్!

Malavika Sreenath: సినిమా ఇండస్ట్రీలో క్యాస్టింగ్ కౌచ్ ఉంది అనే విషయం మనకు తెలిసింది. అయితే ప్రతి ఒక్క రంగంలోనూ మహిళలు ఈ విధమైనటువంటి ఇబ్బందులను ఎదుర్కొంటున్నారు కానీ సినిమా రంగంలో ఇది కాస్త ఎక్కువగా ఉందని చెప్పాలి. ఇప్పటికే ఎంతో మంది సెలబ్రిటీలు తాము క్యాస్టింగ్ కౌచ్ ఇబ్బందులను ఎదుర్కొన్నాము అంటూ బహిరంగంగా ఈ విషయాల గురించి మాట్లాడారు.

తాజాగా మరొక నటి సైతం తాను కూడా క్యాస్టింగ్ బాధితురాలు అంటూ షాకింగ్ కామెంట్స్ చేశారు. తాజాగా ఒక ఇంటర్వ్యూలో పాల్గొన్నటువంటి మాళవిక శ్రీనాథ్ తనకు ఎదురైన చేదు అనుభవాలను వెల్లడించారు. దాదాపు మూడు సంవత్సరాల క్రితం మంజు వారియర్ కూతురి పాత్ర కోసం ఆడిషన్స్ జరుగుతుండగా తాను కూడా వెళ్లానని తెలిపారు. సినిమా వాళ్ళే తనకు కారు పంపించడంతో తాను అక్క తన తల్లి కలిసి ఆడిషన్స్ కోసం వెళ్ళాము.

ఓ బిల్డింగ్ లో ఆడిషన్స్ జరుగుతుండగా అక్కడికి వెళ్లి బయట కూర్చున్నాము అయితే అక్కడికి ఒక వ్యక్తి వచ్చి మీ జుట్టు సరిగా లేదు పక్కన రూమ్ లోకి వెళ్లి సరి చేసుకోండి అని చెప్పారు. దాంతో నేను గదిలోకి వెళ్ళగా నా వెనకే అతను వచ్చి నన్ను చాలా అసభ్యంగా తడమడం మొదలుపెట్టాడు. బయట మా అమ్మ అక్క ఉన్నారన్న భయం కూడా లేకుండా ఆయన లోపలికి వచ్చే పది నిమిషాలు కాంప్రమైజ్ అయితే ఆ పాత్ర నీకే వస్తుందని చెప్పారు.

Malavika Sreenath:కాంప్రమైజ్ అవ్వమని అడిగారు…

ఇక తాను అతని చెర నుంచి ఎలాగో తప్పించుకొని బయటకు వచ్చానని ఈ సందర్భంగా మాళవిక శ్రీనాథ్ క్యాస్టింగ్ కౌచ్ గురించి చేసినటువంటి ఈ కామెంట్స్ వైరల్ అవుతున్నాయి. 2021లో వచ్చిన మధురం సినిమాతో వెండితెరపైకి అడుగుపెట్టారు. ప్రసుత్తం వరుస సినిమాలు చేస్తూ బిజీబిజీ గడుపుతున్నారు.