Mamatha Mohandas: క్యాన్సర్ వచ్చి జుట్టు ఊడిపోయిన నాకు అవకాశం ఇచ్చారు… ఆ హీరో నిజంగా దేవుడు: మమతా మోహన్ దాస్

Mamatha Mohandas: మమతా మోహన్ దాస్ పరిచయం అవసరం లేని పేరు.కెరియర్ మొదట్లో సింగర్ గా ఎంతో గుర్తింపు సంపాదించుకున్న ఈమె అనంతరం ఈమెలో హీరోయిన్ యాంగిల్ కూడా ఉందని గుర్తించిన జక్కన్న యమదొంగ సినిమాలో సెకండ్ హీరోయిన్ గా అవకాశం కల్పించారు. ఈ సినిమాతో ఎంతో మంచి గుర్తింపు సంపాదించుకున్న ఈమె అనంతరం తెలుగులో కృష్ణార్జున’ ‘విక్టరీ’ ‘హోమం’ ‘చింతకాయల రవి’ ‘కింగ్’ ‘కేడి’ వంటి క్రేజీ సినిమా అవకాశాలను అందుకున్నారు.

ఇక నాగార్జున నటించిన కింగ్ సినిమా విషయంలో తనకు పెద్ద ఎత్తున మోసం జరిగిందని శీను వైట్ల షూటింగుకు ముందు ఒక కథ షూటింగ్ తర్వాత తన పాత్రకు ఎలాంటి ప్రాధాన్యత లేకుండా ఉందని ఈమె తాజాగా ఒక ఇంటర్వ్యూ సందర్భంగా తెలియజేశారు. అయితే ఈ సినిమా సమయంలో నాగార్జున తనకు మరో సినిమాలో అవకాశం కల్పిస్తానని మాట ఇచ్చారు.

ఈ క్రమంలోనే ఆయన నటించిన కేడి సినిమాలో ఫుల్ లెన్త్ హీరోయిన్ అవకాశాన్ని కల్పించారు. అయితే ఈ సినిమా షూటింగ్ సమయానికి తాను క్యాన్సర్ బారిన పడ్డానని తెలిపారు. ఇలా తనకు క్యాన్సర్ అని నాగార్జున గారికి చెప్పడంతో పర్వాలేదు నువ్వు ట్రీట్మెంట్ తీసుకుంటూనే సినిమాలలో నటించు అని చెప్పారు. లేదు నాకు జుట్టు కూడా మొత్తం ఊడిపోతుంది సార్ అని చెప్పినప్పటికీ ఆయన అది పెద్ద సమస్య కాదు అంటూ ఇచ్చిన మాట మీద నిలబడి నాకు ఆ సినిమా అవకాశం ఇచ్చారు.

Mamatha Mohandas: నాగార్జున మాట తప్పలేదు..

ఇలా నేను క్యాన్సర్ బారిన పడి ట్రీట్మెంట్ తీసుకుంటూ జుట్టు మొత్తం రాలిపోతున్నప్పటికీ ఆయన మాట తప్పలేదు నా స్థానంలో వేరే హీరోయిన్ ను తీసుకోవచ్చు కానీ నాగార్జున అలా చేయలేదు.ఇచ్చిన మాట పై నిలబడి నాకు అవకాశం ఇచ్చారు. ఆ సమయంలో నాకు నాగార్జున గారు ఒక దేవుడులా కనిపించారు అంటూ నాగార్జున గురించి మమతా మోహన్ దాస్ చేసిన ఈ కామెంట్స్ వైరల్ అవుతున్నాయి.