Manchu Manoj: మంచు వారి ఇంట మొదలైన పెళ్లి సందడి… వైరల్ అవుతున్న పెళ్లి ఫోటోలు!

Manchu Manoj: మంచు మనోజ్ నేడు భూమ మౌనికతో కలిసి పెళ్లి పీటలు ఎక్కబోతున్న విషయం మనకు తెలిసిందే.గత కొంతకాలంగా వీరిద్దరూ రిలేషన్ లో ఉంటూ తమ ప్రేమ విషయాన్ని ఎక్కడ బయటకు రాకుండా జాగ్రత్త పడుతూ వచ్చారు. అయితే వినాయకుడి మండపంలో వీరిద్దరూ కలిసి కనిపించడంతో వీరి రహస్య ప్రేమ ప్రయాణం బయటపడింది. అప్పటినుంచి తరచూ మీరు పెళ్లి గురించి ఏదో ఒక వార్త సోషల్ మీడియాలో వైరల్ అవుతూనే ఉంది.

ఇక మార్చి మూడవ తేదీ వీరిద్దరూ ఒకటి కాబోతున్నారంటూ గత కొద్దిరోజులుగా వార్తలు వచ్చాయి. అయితే ఇందుకు అనుగుణంగానే ఇప్పటికే మనోజ్ ఫ్రీ వెడ్డింగ్ సెలబ్రేషన్స్ కూడా ఎంతో ఘనంగా జరిగాయని అందుకు సంబంధించిన ఫోటోలను ఎప్పటికప్పుడు మంచు లక్ష్మి సోషల్ మీడియా వేదికగా షేర్ చేస్తూ మనోజ్ పెళ్లి అప్డేట్స్ విడుదల చేస్తున్నారు.

ఈ క్రమంలోనే మనోజ్ మౌనికల హల్ది, సంగీత్, మెహందీ వేడుకలు ఎంతో ఘనంగా జరిగినట్టు తెలుస్తోంది. ఈ క్రమంలోనే మౌనిక మనోజ్ హల్దీ వేడుకలకు సంబంధించిన ఫోటోలను మంచు లక్ష్మి సోషల్ మీడియాలో షేర్ చేశారు. అలాగే తన తమ్ముడి పెళ్లి కోసం చేసినటువంటి ఏర్పాట్లకు సంబంధించిన ఫోటోలను కూడా ఈమె సోషల్ మీడియాలో షేర్ చేశారు.

Manchu Manoj: మంచు లక్ష్మి ఇంట మనోజ్ పెళ్లి..

ఇకపోతే మనోజ్ మౌనికలు ఈరోజు (మార్చి 3)రాత్రి 8గంటల 30 నిమిషాలకు పెళ్లి బంధంతో ఒకటి కాబోతున్నారని తెలుస్తుంది. ఇక వీరి పెళ్లికూడా మంచు లక్ష్మి ఇంట అత్యంత సన్నిహితులు కుటుంబ సభ్యుల సమక్షంలో మాత్రమే జరగబోతుందని సమాచారం. ఇకపోతే మనోజ్ భూమా మౌనికతో రెండో పెళ్లికి సిద్ధం కావడం ఇష్టం లేనటువంటి మోహన్ బాబు విష్ణు ఈ పెళ్లికి దూరంగా ఉంటున్నట్లు తెలుస్తోంది. అందుకే తన తమ్ముడి పెళ్లి బాధ్యతను లక్ష్మి తన భుజాలపై వేసుకుని అన్ని కార్యక్రమాలను దగ్గర నుండి చూసుకుంటున్నట్టు సమాచారం.