Mega Princess: రామ్ చరణ్ ఉపాసన కూతురికి కలిసొచ్చిన సెంటిమెంట్… వారిలా గొప్పదవుతుందంటూ?

Mega Princess: మెగా పవర్ స్టార్ రామ్ చరణ్ ఉపాసన దంపతులు తల్లిదండ్రులుగా మారిపోయారు. ఈరోజు ఉదయం తెల్లవారుజామున ఉపాసన పండంటి ఆడబిడ్డకు జన్మనిచ్చారు. ప్రస్తుతం తల్లి బిడ్డ ఇద్దరు ఆరోగ్యంగా ఉన్నారని తెలుస్తుంది.ఉపాసనకు కూతురు జన్మించిందన్న విషయం తెలియడంతో అభిమానులు ఎంతో సంతోషం వ్యక్తం చేస్తున్నారు.

ఇకపోతే ఉపాసన రాంచరణ్ దంపతులకు 20వ తేదీ తన కుమార్తె జన్మించడంతో అభిమానులు తన కూతురి విషయంలో ఓ ఆసక్తికరమైన విషయాన్ని తెరపైకి తీసుకువచ్చారు. ఉపాసన కుమార్తె 20వ తేదీ జన్మించింది. న్యూమరాలజీ ప్రకారం బేబీకి రెండో నెంబర్ వస్తుంది. అలాగే చిరంజీవి ఆగస్టు 22వ తేదీ జన్మించారు. ఈ క్రమంలోనే తాత మనవరాలు పుట్టిన రోజు విషయంలో 2 నెంబర్ వర్క్ అవుట్ అయిందని తెలుస్తుంది.

చిరంజీవి సోదరుడు రామ్ చరణ్ బాబాయ్ పవన్ కళ్యాణ్ కూడా సెప్టెంబర్ రెండవ తేదీ పుట్టారు. ఈయన పుట్టినరోజులో కూడా 2 నంబర్ రావడంతో వీరి పుట్టినరోజు విషయంలో ఆ సెంటిమెంట్ వర్కౌట్ అవుతుందని ఆ చిన్నారి కూడా పవన్ కళ్యాణ్ చిరంజీవి వంటి గొప్ప స్థాయికి చేరుకొని ఎంతో పేరు ప్రఖ్యాతలు సంపాదించుకుంటుందని అభిమానులు భావిస్తున్నారు.

Mega Princess: వెల్లువెత్తుతున్న శుభాకాంక్షలు…

ఇకపోతే రామ్ చరణ్ ఉపాసన దంపతులకు పెళ్లి జరిగిన పది సంవత్సరాలకు ప్రెగ్నెన్సీ కన్ఫర్మ్ కావడంతో ఈ శుభవార్తను అభిమానులతో పంచుకున్నారు. ఇక ఈ దంపతులు పెళ్లి జరిగిన 11వ ఏటా తల్లిదండ్రులుగా ప్రమోట్ అయ్యారు.ఈ శుభవార్త తెలిసి ఎంతో మంది సెలబ్రిటీలు అభిమానులు రామ్ చరణ్ ఉపాసన దంపతులకు శుభాకాంక్షలు తెలియజేస్తున్నారు.