ఘనంగా ప్రారంభమైన మెగాస్టార్ భోళా శంకర్..!

మెగాస్టార్ చిరంజీవి ఈ పేరుకు ప్రత్యేకంగా పరిచయం అక్కర్లేదు. సెకండ్ ఇన్నింగ్స్ తర్వాత మెగాస్టార్ చిరంజీవి వరుస సినిమాలతో దూసుకుపోతున్నాడు. కుర్ర హీరోలు మెగాస్టార్ చిరు స్పీడ్ ని అందుకోలేక పోతున్నారు. ప్రస్తుతం ఆచార్య సినిమాలో బిజీ బిజీగా ఉన్న చిరంజీవి ఈ సినిమా ఇంకా రిలీజ్ కాకముందే మూడు చిత్రాలకు గ్రీన్ సిగ్నల్ ఇచ్చారు. ఇది ఇలా ఉంటే తాజాగా చిరంజీవి బోళా శంకర్ ఈ సినిమా పూజా కార్యక్రమాలు ఘనంగా జరిగాయి.

మెగాస్టార్ చిరంజీవి కథానాయకుడిగా మొహర్ రమేష్ దర్శకత్వంలో తెరకెక్కుతున్న చిత్రం భోళా శంకర్. ఈ సినిమాకు సంబంధించిన పూజా కార్యక్రమాలు హైదరాబాద్ లో ఘనంగా జరిగాయి. ఇందులో చిరంజీవి చెల్లెలుగా కీర్తి సురేష్ నటిస్తోంది. చిరంజీవి సరసన తమన్నా హీరోయిన్ గా నటించనుంది. ఈ వేడుకకు టాలీవుడ్ టాప్ డైరెక్టర్స్ హాజరై అట్టహాసంగా నిర్వహించారు.

సీనియర్ దర్శకులు రాఘవేంద్ర రావు, డైరెక్టర్ బాబీ, వివి వినాయక్, హరీష్ శంకర్, కొరటాల శివ, గోపీచంద్ మలినేని ఈ వేడుకకు హాజరయ్యారు. ఈ బోళా శంకర్ సినిమా తమిళ హిట్ వేదాళంని తెలుగులో రీమేక్ చేస్తున్నారు. ఈ సినిమాకు తమన్ సంగీతాన్ని అందిస్తున్నారు.

చిరంజీవి నటించిన ఆచార్య సినిమా షూటింగ్ ఇటీవలే పూర్తి చేసుకున్న విషయం తెలిసిందే. ప్రస్తుతం ఈ సినిమా పోస్ట్ ప్రొడక్షన్ పనులు జరుపుకుంటోంది. ఈ సినిమా ఫిబ్రవరిలో గ్రాండ్ గా విడుదల కానుంది. సామాజిక అంశంతో కూడిన యాక్షన్ ఎంటర్ టైనర్ గా కొరటాల శివ ఈ సినిమాని తెరకెక్కించారు. ఇందులో చిరంజీవి తనయుడు మెగా పవర్ స్టార్ రామ్ చరణ్ కూడా నటించారు. చిరంజీవి సరసన కాజల్ అగర్వాల్ నటించగా, రామ్ చరణ్ సరసన పూజా హెగ్డేనటించింది.